કન્યા શાળા બ્રાન્ચ નંબર 1 અંકલેશ્વરનાં મુખ્યશિક્ષિકા ભારતીબેન ગાંધીનો વિદાય સન્માન સમારંભ યોજાયો
Contact News Publisher
(પ્રતિનિધિ દ્વારા, ઓલપાડ) : નગર પ્રાથમિક શિક્ષણ સમિતિ, અંકલેશ્વર સંચાલિત કન્યાશાળા બ્રાન્ચ નંબર 1 અંકલેશ્વરનાં મુખ્યશિક્ષિકા શ્રીમતી ભારતીબેન વિનોદકુમાર ગાંધીનો નિવૃત્તિ વિદાય સમારંભ યોજવામાં આવ્યો હતો. આ પ્રસંગે શાસનાધિકારી દિવ્યેશ પરમાર, ટીચર્સ સોસાયટી અને અંકલેશ્વર પ્રાથમિક શિક્ષક સંઘનાં પ્રમુખ ગજેન્દ્ર પટેલ, ગાંધી પરિવારનાં સભ્યો, સમિતિ સંચાલિત શાળાઓનાં મુખ્ય શિક્ષકો, નિવૃત્ત સારસ્વતો તથા શુભેચ્છકો ઉપસ્થિત રહ્યાં હતાં. પ્રસંગિક ઉદબોધનમાં મહેમાનોએ ભારતીબેન ગાંધીની સેવાઓને બિરદાવી તેમનાં સુખમય નિવૃત્ત જીવન માટે શુભેચ્છાઓ પાઠવી હતી.
પ્રારંભે સર્વધર્મ પ્રાર્થના બાદ ભારતીબેનને ઉપસ્થિત મહાનુભવો દ્વારા પુષ્પગુચ્છ સાથે સન્માનપત્ર અર્પણ કરી સત્કારવામાં આવ્યા હતાં. તેઓ આ તકે પોતાનાં કાર્યકાળને વાગોળી ગદગદિત થયા હતાં.
About The Author