વિજ્ઞાન પ્રદર્શનમાં બાલાજી ગર્લ્સની અભૂતપૂર્વ સિદ્ધિ : સમગ્ર દક્ષિણ ઝોનનું પ્રતિનિધિત્વ કરશે બાલાજી ગર્લ્સ ટીમ
(પ્રતિનિધિ દ્વારા, વ્યારા) : તા. 21 થી 23 ડીસેમ્બર દરમિયાન દક્ષિણ ઝોન કક્ષાએ વિજ્ઞાન-ગણિત-પર્યાવરણ પ્રદર્શનનું આયોજન જિલ્લા વિજ્ઞાન કેન્દ્ર, ધરમપુર, વલસાડ ખાતે કરવામાં આવ્યું હતું. જેમાં શ્રીમતી ક.લ.શં. ખાંડવાળા સાર્વજનિક હાઇસ્કૂલ ફોર ગર્લ્સમાંથી શાળાનાં આચાર્યા ડૉ. ફાલ્ગુનીબેન પટેલનાં માર્ગદર્શન હેઠળ કૃતિ રજૂ કરવામાં આવી હતી. ઉચ્ચતર માધ્યમિક વિભાગમાં વિભાગ-3 માં વૈશાલીબેન પટેલ અને મુનીરાબેન હમદાનીનાં માર્ગદર્શન દ્વારા તૈયાર થયેલ કૃતિ “Best from Waste” બાળવૈજ્ઞાનિકો જરીવાલા ધ્રુવી અને માલી ધ્વનિ દ્વારા રજૂ કરવામાં આવી હતી. જે કૃતિએ પ્રથમ ક્રમ હાંસલ કરતાં હવે તે રાજ્ય કક્ષાએ જુનાગઢ મુકામે સમગ્ર દક્ષિણ ઝોનનું પ્રતિનિધિત્વ કરશે. વિજ્ઞાનમેળામાં ભાગ લીધેલ તમામ વિદ્યાર્થીનીઓ, શિક્ષિકાઓને તેમજ આચાર્યાને શાળાની વહીવટી સમિતિનાં અધ્યક્ષ એડવોકેટ નીલમબેન શાહે શુભેચ્છા સહ અભિનંદન પાઠવ્યા હતાં.
About The Author
