વલસાડની ટીમ એસ.એસ.સી. દ્વારા આંખનાં ઈલાજ માટે મેરેથોનને પૂરક વિલ્સન હિલ પ્રોમો રન યોજાઈ
Contact News Publisher
(પ્રતિનિધિ દ્વારા, સુરત) : વલસાડ જિલ્લાનાં ધરમપુર તાલુકા સ્થિત ઐતિહાસિક પર્યટન સ્થળ વિલ્સન હિલ ખાતે યોજાયેલી મેરેથોન પૂર્વે પ્રોમો રનમાં ટીમ સન્ડે સ્પોર્ટ્સ ક્લબ, વલસાડનાં 108 રનર્સ મિત્રોએ ભાગ લીધો હતો.
વિલ્સન હિલ મોન્સુન એડીશન મેરેથોન લાયન્સ ક્લબ ઓફ ધરમપુરનાં સહયોગથી યોજાયેલ મેરેથોનમાં સહભાગી દોડવીરો દ્વારા એકત્ર કરેલ ફાળો અંતરિયાળ વિસ્તારનાં ગરીબ લોકોનાં આંખનાં ઈલાજ તેમજ અન્ય મેડિકલ સારવાર માટે ઉપયોગમાં લેવામાં આવશે એમ વાપી તાલુકાની દેગામ પ્રાથમિક શાળાનાં શિક્ષક અશ્વિન ટંડેલે જણાવ્યું હતું. રમણીય વાતાવરણ વચ્ચે આરોગ્યને પૂરક એવી આ દોડમાં દોડવીરોએ ખૂબ આનંદ માણ્યો હતો. વંદે માતરમનાં જયઘોષ સાથે સૌ સ્મારક સુધી પહોંચ્યા હતાં. આ દોડ આગામી ઇવેન્ટ માટે સૌને સજ્જ થવા માટે પ્રેરકબળ બની હતી.
About The Author