તાપી જિલ્લામાં વિશ્વ સ્તનપાન સપ્તાહ અંતર્ગત આંગણવાડી કેન્દ્રો ખાતે પોષણ પંચાયત કાર્યક્રમ યોજાયો
Contact News Publisher
(માહિતી બ્યુરો, તાપી) તા.03: દર વર્ષ વિશ્વ સ્તનપાન સપ્તાહની ૧ થી ૭ ઓગસ્ટ ૨૦૨૩ સુધી ઉજવણી કરવામાં આવે છે. જિલ્લા પંચાયત આઈ.સી.ડી.એસ કચેરી તાપી દ્વારા પ્રોગ્રામ ઓફિસરશ્રીના માર્ગદર્શન હેઠળ ૧૦૪૯ આંગણવાડી કેન્દ્રો ખાતે વિશ્વ સ્તનપાન સપ્તાહની ઉજવણી કરવામાં આવી રહી છે.
આ ઉજવણી અંતર્ગત સગર્ભા માતાઓ, ધાત્રી માતાઓને સ્તનપાનના મહત્વને સમજાવવા પોષણ પંચાયત કાર્યક્રમનું આયોજન કરવામાં આવ્યું હતું. જેમાં સમુદાય/કુટુંબના સભ્યોને સ્તનપાન અને માતાના દુધના મહત્વ અંગે સંવેદનશીલતા અને પરિવારની ભૂમિકા ઉપર ચર્ચા કરવામાં આવી હતી. આ ઉપરાંત આંગણવાડી કાર્યકર, મુખ્ય સેવિકાઓ દ્વારા સગર્ભા અને ધાત્રીમાતાઓની મુલાકાત લેવામાં આવી અને પ્રથમ ધાવણ તેમજ બાળકને છ માસ સુધી માત્ર માતાનું ધાવણ લેવુ તે અંગે પણ સમજ કેળવવામાં આવી હતી.
૦૦૦૦૦૦૦
About The Author