તાપી જિલ્લાની ચીમકુવા પ્રાથમિક શાળામાં રેંજ ફોરેસ્ટર દ્વારા તિથિભોજન અપાયું

(માહિતી બ્યુરો દ્વારા, વ્યારા-તાપી)  ૨૮: તાપી જિલ્લાના સોનગઢ તાલુકાના ચીમકુવા પ્રાથમિક શાળાના ખાતે સાદડવેલ રેંજના આર.એફ.ઓ ચિરાગભાઇ આજરા તરફથી શાળાના બાળકોને દાળ, ભાત, શાક, લાપસી, બુંદી, ગાંઠિયાનું તિથિભોજન કરાવવામાં આવ્યું હતું.
આ પ્રસંગે શાળાના આચાર્ય પ્રદિપભાઇ ચૌધરીએ દાતાશ્રીઓને સ્મૃતિ રૂપે ભગવત ગીતા પુસ્તક આપી ઉપસ્થિત સૌને તિથિભોજનનું મહાત્મ્ય સમજાવ્યું હતું. જિલ્લા શિક્ષણાધિકારી ડૉ.દિપક દરજી, શિક્ષણ સમિતિના અધ્યક્ષા સરિતા વસાવાએ શુભેચ્છા પાઠવી હતી. સોનગઢ તાલુકાના પ્રાથમિક શિક્ષણાધિકારી અને તિથિભોજનના પ્રેરણા સ્ત્રોત એવા એસ.બી.પરમાર સહિત શાળા પરિવાર, વન વિભાગના કર્મચારીઓ ઉપસ્થિત રહી સૌએ સાથે ભોજન લીધું હતું.
૦૦૦૦૦૦૦૦૦

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts