વ્યારા નગરપાલિકાના વોર્ડ નં. 6માં અપક્ષ ઉમેદવારો બાજી મારશે ?!!
(પ્રતિનિધિ દ્વારા, વ્યારા): વ્યારા નગરપાલિકાના વોર્ડ નં 6 ની વાત કરીએ તો ગત ચૂંટણી મા ભાજપે જ્વલંત વિજય મેળવ્યો હતો પરંતુ ગત ચૂંટણીની જેમ આ ચૂંટણીમાં ભાજપે માત્ર કોંગ્રેસ સાથે મુકાબલો નથી કરવાનું પણ ભાજપના જ નારાજ સભ્યોએ ટીકીટ ન મળતા આ વોર્ડ ની ત્રણ બેઠકો પર અપક્ષોએ ઉમેદવારી નોંધાવી છે ત્યારે ભાજપના મતોમાં ગાબડું પડે તેવી સ્થિતિ સર્જાતા જિલ્લા ભાજપના નેતાઓ ડેમેજ કન્ટ્રોલ કરવા કામે લાગ્યા હોવાની વિગતો સાંપડી રહી છે.
વ્યારા નગર ભાજપના ઉપપ્રમુખ પરવીનબેન દોરડી તેમજ નગર ભાજપ મહિલા મોરચાના મહામંત્રી રમીલાબેન રાણા એ નગરપાલિકાની ચૂંટણીમાં વોર્ડ નં 6 મા દાવેદારી કરી હતી પરંતુ મોવડી મંડળ દ્વારા તેઓને ટીકીટ ન અપાતા તેઓ પક્ષ તરફથી નારાજ થયા હતા અને તેઓએ કલ્પેશભાઈ પટેલ સાથે મળી અપક્ષ ઉમેદવારી કરી છે. ભાજપના ગાઢ ગણાતા વોર્ડ નં 6 મા જ્યારે ભાજપ તેમજ તેની નગર મહિલા પાંખના મજબૂત કાર્યકર્તાઓએ અપક્ષ ઉમેદવારી કરતા ભાજપને નુકશાન થશે કે ફાયદો ? તે જોવું રહ્યું…!!!
About The Author
