ઉચ્છલ પોલીસે નવસારીનાં યુવક-યુવતિને મોપેડ ઉપર વિદેશી દારુ લઈ જતાં ઝડપી પાડ્યા
ફાઈલ ફોટો
(પ્રતિનિધિ દ્વારા, વ્યારા): ઉચ્છલ પોલીસે આજરોજ નવાપુર થી સોનગઢ તરફ જતાં હાઈવે રસ્તા આવેલ જાનકી હોટલ પાસેથી મોપેડ ગાડી ઉપર લઈ જવાતો વિદેશી દારૂ સાથે એક યુવક તેમજ એક યુવતીની અટક કરી છે.
ઉચ્છલ પોલીસ સુત્રો પાસેથી પ્રાપ્ત થતી માહિતી મુજબ આજે તારીખ ૨૩મી ઓકટોબરના રોજ સંજય ચાર કલાકના અરસા દરમિયાન નવાપુર થી સોનગઢ તરફ જતાં નેશનલ હાઈવે ઉપર આવેલ જાનકી હોટલ પાસેથી અંકુશભાઈ સાહેબરાવ કદમ ઉ.વ. 31 રહે. બી-14 સહયોગનગર વિજલપોર નવસારી તેમજ દેવિન્દ્રાબેન બળવંતભાઈ રાઠોડ ઉ.વ. 24 રહે. વૈજલ્પુર માતા ફળિયું તા. જલાલપોર જી નવસારી એ પોતાના કબજાની પર્પલ કલરની એવિએટર મોપેડ ગાડી નંબર GJ 21 Q 7333 માં દેશી દારૂ ટેન્ગો પંચની 45 નંગ બોટલ તથા મેકડોલ નંબર વન રીઝર્વ વ્હિસ્કીની 10 બોટલ મળી કુલ 53 નંગ બોટલો જેની અંદાજે કિંમત રૂ 7250 તેમજ મોપેડ ગાડી ની કિંમત 15000 મળી કુલ રૂ. 22250 ના મુદ્દામાલ સાથે પકડાઈ ગયા હતા.
જે અંગે ઉચ્છલ પોલીસ મથકે ફરજ બજાવતા અ.પો.કો. પંકજભાઈ અર્જુનભાઈની ફરિયાદનાં આધારે ઉચ્છલ પોલીસે પ્રોહીબીશન અંગે ગુનો નોંધી આગળની કાર્યવાહી હાથ ધરી છે. આ ગુનાની વધુ તપાસ ઉચ્છલ પોલીસનાં અ.હે.કો. જીતુભાઈ શંકરભાઈ કરી રહ્યા છે.
About The Author
