ડાંગ વિધાનસભા પેટા ચૂંટણી અંતર્ગત મુખ્ય મથક આહવા સ્વરાજ આશ્રમ ખાતે ભાજપની મહત્વની ચુંટણી લક્ષી વ્યવસ્થા અને આયોજનની બેઠક યોજાઈ હતી
(અર્જુન જાધવ દ્વારા, વઘઈ) : ડાંગ વિધાનસભા પેટાચૂંટણી અંતર્ગત ડાંગ જિલ્લાના મુખ્ય મથક આહવા સ્વરાજ આશ્રમ ખાતે ભરતસિંહ પરમાર, કેબિનેટ મંત્રીશ્રી ગણપત વસાવા, કેબિનેટ મંત્રી ઈશ્વરભાઈ પરમાર, સુરત ધારાસભ્ય પુર્ણેશભાઈ મોદી, વલસાડ – ડાંગના સાંસદ ડૉ. કે.સી. પટેલ, મહુવા ધારાસભ્ય મોહનભાઇ, ધોડિયા, ડાંગ જિલ્લા ભારતીય જનતા પાર્ટીના પ્રમુખ બાબુરાવભાઈ ચૌર્યાની ઉપસ્થિતિમાં ભાજપના કાર્યકરો સાથે મહત્વની ચુંટણીલક્ષી વ્યવસ્થા અને આયોજનની બેઠક યોજાઈ હતી. જયારે આ બેઠકમાં હોદ્દેદારો દ્વારા પેટાચૂંટણીને લઇને વિવિધ મુદ્દે અને ચુંટણી વ્યવસ્થાને લગતું માર્ગદર્શન આપાયું હતું. આ બેઠકમાં માજી ધારાસભ્ય મંગળભાઇ ગાવિત, સુરત શહેરના ધારાસભ્ય હેમાલીબેન, ઝંખનાબેન પટેલ , ડાંગ જિલ્લા પ્રભારી કરસનભાઇ પટેલ, પ્રભારી અશોકભાઈ ધોરજીયા, માજી ધારાસભ્ય મંગળ ગાવીત, મહામંત્રીશ્રીઓ સહિત સુરત – તાપી- નવસારીના સંગઠનના હોદ્દેદારો, ભાજપા અગ્રણીઓ, અપેક્ષિત કાર્યકરો, ભાજપા કાર્યકર્તાઓ ઉપસ્થિત રહ્યા હતા.
About The Author
