ડાંગ જિલ્લાની વાંઝીટેમ્બ્રુન પ્રાથમિક શાળાનું ગૌરવ
(અર્જુન જાધવ દ્વારા, વઘઈ) : રાજ્યના શિક્ષણ વિભાગ તરફથી તાલુકા જિલ્લા અને રાજ્ય ક્ક્ષાએ શ્રેષ્ઠ શિક્ષક પારિતોષિક આપી શિક્ષકોને પ્રોત્સાહિત કરવામાં આવી રહ્યા છે ત્યારે ડાંગ જિલ્લાના આહવા તાલુકાના અંતરિયાળ વિસ્તારમાં આવેલ વાંઝીટેમ્બ્રુન ગામની પ્રાથમિક શાળામાં મુખ્ય શિક્ષક તરીકે ફરજ બજાવતા બંગાળ નિતીનભાઈ સોમાભાઇને તાલુકા ક્ક્ષાના શ્રેષ્ઠ શિક્ષકનો એવોર્ડ ૫ મી સપ્ટેમ્બરના રોજ વન અને પર્યાવરણ વિભાગના કેબિનેટ મંત્રીશ્રી માનનીય ગણપતસિંહ વસાવા ના વરદ હસ્તે એનાયત કરવામાં આવ્યો હતો . તાલુકા પસંદગી સમિતિ દ્વારા એમણે કરેલ ઉત્તમ શૈક્ષણિક કાર્ય,શાળાકીય સહઅભ્યાસિક પ્રવૃત્તિઓ,નવિનપુર્ણ પ્રયોગો, શાળાની એસ.એમ.સી.નું સશક્તિકરણ,શાળાનો ભૌતિક અને ગુણાત્મક વિકાસ, જેવા માપદંડો નું મુલ્યાંકન કરીને શ્રેષ્ઠ શિક્ષક તરીકેની પસંદગી કરવામાં આવી હતી એમની શ્રેષ્ઠ શિક્ષક તરીકેની પસંદગી થતાં શાળાના શિક્ષકો,ગ્રામજનો,એસ.એમ.સી.સભ્યો,ટાંકલીપાડા કલસ્ટર,મોરઝીરા પગાર કેન્દ્રશાળા અને તમામ શિક્ષકો દ્વારા અભિનંદન પાઠવવામાં આવ્યા હતા
About The Author
