તાપી જિલ્લામાં પસંદગીનો વાહન નંબર મેળવવા અંગે :
ફાઈલ તસ્વીર
(માહિતિ વિભાગ – તાપી): વ્યારા; મંગળવાર: એ.આર.ટી.ઓ વ્યારાની એક અખબારી યાદીમાં જણાવ્યા મુજબ તાપી જિલ્લામાં મોટરીંગ પબ્લીકની સગવડતા માટે ગોલ્ડન અને સિલ્વર નંબર પસંદગીની ફાળવણી માટે ઓનલાઈન ઈ-ઓક્સન શરૂ કરવામાં આવેલ છે. અત્રેની કચેરીમાં મોટર-સાયકલ માટેના નંબર માટેની સીરીઝ GJ-26-AA તેમજ ફોર વ્હીલર માટે GJ-26-AB E-AUCTION માટે શરુ કરવામાં આવનાર છે. ઈચ્છા ધરાવનાર વાહન માલીકો તેમના વાહનો રજીસ્ટ્રેશન કરાવી ઓનલાઈન http://parivahan.gov.in//fancy પર ઓનલાઈન રજીસ્ટ્રેશન કરી ઈ-ઓકશનમાં ભાગ લઈ શકશે. જે મુજબ છે. તા. ૨૫ થી ૩૦/૦૬/૨૦ સુધી રોજ E-AUCTION ઓનલાઈન માટે ફોર્મ રજીસ્ટ્રેશન કરાવી એપ્લિકેશન કરવાની રહેશે. તા.૧લી થી ૦૬/૦૭/૨૦ના રોજ ઈ-ઓકશનનું બિડીંગ ઓપન થશે. અને તા ૦૮/૦૭/૨૦ના રોજ આર.ટી.ઓ કચેરીમાં જમા કરવાના રહેશે.
ફેન્સી નંબર મેળવવા ઈચ્છુક અરજદારોએ ઉપર દર્શાવેલ વેબસાઈટ ઉપર જઈને સી.એન.એ ફોર્મ વાહન ખરીદીના સાત (૭) દિવસમાં અચુક ઓનલાઈન ભરી દેવાનું રહેશે. વાહન સેલ લેટરમાં સેલ તારીખથી ૬૦ દિવસના અંદરના જ અરજદારોએ હરાજીમાં ભાગ લેવા અરજી કરી શકશે સમય બહારની અરજીઓ રદ કરવામાં આવશે, જેની નોંધ લેવા પણ વધુમાં જણાવાયું છે.
–
About The Author
