તાપી જિલ્લાને સ્વચ્છ બનાવવાનામાં સક્રિય ભાગીદારી નોંધાવતા જાગૃત ગ્રામજનો
(પ્રતિનિધિ દ્વારા, વ્યારા) : તા.૧૯ વડાપ્રધાનશ્રી નરેન્દ્રભાઈ મોદીના નેતૃત્વ હેઠળ શરૂ થયેલ સ્વચ્છ ભારત મિશનની નેમ જનભાગીદારીથી જનઆંદોલનમાં પરિણમી છે.ત્યારે ‘સ્વચ્છતા હી સેવા’ અભિયાન અંતર્ગત રાજ્યકક્ષાએ નક્કી કરેલી વિવિધ પ્રવૃતિઓના ભાગરૂપે વિવિધ સ્થળોની સાફસફાઇ કરવામાં આવનાર છે. જે અન્વયે તા.૩૧ ઓકટોબર સુધી શાળા, કોલેજ, આંગણવાડી અને જાહેર સ્થળોની વિવિધ કચેરીઓમાં વિશેષ ‘સફાઈ અભિયાન’ હાથ ધરવામાં આવી રહ્યું છે.
જે અન્વયે તાપી જિલ્લામાં ‘સ્વછતા હી સેવા’ કાર્યક્રમ અંતર્ગત વિવિધ તાલુકાઓમાં પંચાયત ઘર , આંગણવાડી, જાહેર રસ્તાઓની આસપાસ સાફ સફાઈ કરવામાં આવી હતી. આ સફાઈની કામગીરી દ્વારા ગામને સ્વચ્છતાનોં સંદેશ આપી જાગૃત ગ્રામજનો તાપી જિલ્લાને સ્વચ્છ બનાવવાનામાં સક્રિય ભાગીદારી નોંધાવી રહ્યા છે.
૦૦૦
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
