કુસુમ જયેશ ભુલકા ભવનના 21માં વાર્ષિક ઉત્સવની રંગે ચંગે ઉજવણી
(પ્રતિનિધિ દ્વારા, વ્યારા) : શ્રી ર.ફ.દાબુ કેળવણી મંડળ સંચાલિત કુસુમ જયેશ ભુલકા ભવન ગીતાબેન રમેશભાઈ પટેલ પ્લેસ્કૂલના 21માં વાર્ષિક ઉત્સવની રંગે ચંગે ઉજવણી કરવામાં આવી. આ વાર્ષિકોત્સવમાં ર.ફ.દાબુ કેળવણી મંડળના પ્રમુખશ્રી હસુ કાકા, મંત્રી શ્રી મહેશકાકા,ચેરમેન શ્રી નેવીલ સર તથા મંડળના ટ્રસ્ટીગણ સભ્યગણ ઉપસ્થિત રહ્યા હતા. પ્રમુખ સ્થાનનું ગૌરવ શ્રી રમેશભાઈ એમ પટેલે અને અતિથિ વિશેષ નું સ્થાન શ્રીમતી ગીતાબેન રમેશભાઈ પટેલે શોભાવ્યું હતું. આ પ્રસંગે શ્રીમતી રીટાબેન ભાવસાર પણ ઉપસ્થિત રહ્યા હતા. સમગ્ર વાલી મિત્રો, બાળકો અને ભુલકા ભવન પરિવાર દ્વારા વાર્ષિક ઉત્સવમાં સરસ કૃતિઓ રજૂ કરવામાં આવી હતી. જેમાં સ્વાગતગીત, શ્રી રામ શોર્ય ગાથા, વાલી મિત્રો અને બાળાઓ દ્વારા આપણી સંસ્કૃતિ આપણો વારસો ગરબો, નારી શક્તિ, દેશભક્તિગીત, ખલાસી ડાન્સ, ઈસરોડાન્સ, કપલ ડાન્સ જેવી સરસ મજાની કૃતિઓ રજૂ કરવામાં આવી હતી.શ્રી રમેશભાઈ અને ગીતાબેન પટેલ તરફથી નવા પ્લે સ્કૂલના બાંધકામ માટે 5 ,00,000 rs માતબર નું દાન જાહેર કરવામાં આવ્યું હતું. સ્વ કુસુમબેન અને જયેશભાઈ ના સ્મરણાર્થે તેમના બેનશ્રી રીટાબેન ભાવસાર તરફથી1,00,000 rs દાન જાહેર કરવામાં આવ્યું હતું. વાલી મિત્રો દ્વારા પણ બાળકોને પ્રોત્સાહિત કરવા ઇનામ અને અનેરીભેટો આપવામાં આવી હતી. વાલી મિત્રો દ્વારા શિક્ષકોને પણ સ્મૃતિ ભેટ આપવામાં આવી હતી.આમ સરસ મજાના વાતાવરણમાં 21 માં વાર્ષિકોત્સવની સરસ ઉજવણી કરવામાં આવી હતી.આ વાર્ષિકોત્સવમાં ઉપસ્થિત રહેવા બદલ સૌનો ભુલકા ભવન પરિવાર વતી ખુબ ખુબ આભાર.
About The Author
