વ્યારા નગરમાં સ્થાપિત થવા જઈ રહેલ શ્રી છત્રપતિ શિવાજી મહારાજ ની પ્રતિમા માટે ભાજપ પ્રદેશ અધ્યક્ષશ્રી સી. આર. પાટીલ તથા તેમના પરિવાર દ્વારા રૂપિયા 7 લાખનું દાન
(પ્રતિનિધિ દ્વારા, વ્યારા) : વ્યારા નગરમાં સ્થાપિત થવા જઈ રહેલ શ્રી છત્રપતિ શિવાજી મહારાજ ની પ્રતિમા માટે ભાજપ પ્રદેશ અધ્યક્ષશ્રી સી. આર. પાટીલ તથા તેમના પરિવાર દ્વારા રૂપિયા 7 લાખનું દાન આપવામાં આવ્યું છે.
હિન્દી સ્વરાજ્ય ના સ્થાપક હિન્દુ હૃદય સમ્રાટ શ્રી છત્રપતિ શિવાજી મહારાજ ની પૂર્ણ કદની અશ્વરૂઢ પ્રતિમા ( સ્મારક ) વ્યારા નગર માં બની રહેલ છે તે માટે ગુજરાત પ્રદેશ ના ભાજપ ના પ્રમુખ શ્રી અને નવસારી ના લોક લાડીલા સાંસદ શ્રી સી.આર.પાટીલ સાહેબ શ્રી તથા તેમના પરિવાર તરફથી રૂપિયા 7 લાખ નું દાન આપવામાં આવ્યું . તારીખ 13 /01/2024 શનિવાર ના રોજ શ્રી છત્રપતિ શિવાજી મહારાજ સ્મારક સમિતિ વ્યારાના હોદ્દેદારોને આ દાનની રકમ આપવામાં આવી હતી. વ્યારા નગરના હદ વિસ્તારમાં શ્રી છત્રપતિ શિવાજી મહારાજ ચોક ખાતે શ્રી છત્રપતિ શિવાજી મહારાજની પૂર્ણ કદની પ્રતિમાનું ટુંક સમયમાં સ્થાપન કરવામાં આવનાર છે. આ માટે પુનાના પ્રખ્યાત મૂર્તિકાર બીઆર ખેડકરને ત્યાં પ્રતિમાનું કામ ચાલી રહ્યું છે. સી.આર.પાટિલ તથા એમના પરિવાર તરફથી આ દાનની રકમ સમિતિના સભ્યોને સુપ્રત કરવામાં આવી હતી શ્રી છત્રપતિ શિવાજી મહારાજ સ્મારક સમિતિના સભ્યો દ્વારા એમનો આભાર વ્યક્ત કરવામાં આવ્યો હતો.
About The Author
