સુરત શહેરની ટી.એન્ડ ટી.વી. સાર્વજનિક હાઈસ્કૂલમાં પ્રોજેક્ટ ‘સ્વયં-ખોજ ખુદ કી’ નો ઉદઘાટન સમારોહ યોજાયો
(પ્રતિનિધિ દ્વારા, સુરત) : આજનાં યુવાનો અને વિધાર્થીઓમાં સોશિયલ મીડિયાનો વધતો જતો ક્રેઝ, ટ્રેન્ડિંગમાં પોતાની ઓળખ શોધવાની હોડ, બાળકોમાં વધતાં જતાં મોબાઈલનાં ઉપયોગ, યુવાઓમાં વધતી જતી કુટેવો અને ખરાબ લતો તેમજ બાળક અને માં-બાપ વચ્ચે ઘટતી જતી લાગણીઓ જેવી બાબતોને ધ્યાનમાં રાખી આ ઉત્કૃષ્ટ પ્રોજેક્ટ ‘સ્વયં – ખોજ ખુદ કી’ ને લોન્ચ કરવામાં આવ્યો હતો.
સદર પ્રોજેક્ટ અંતર્ગત આખા વર્ષ દરમિયાન વિવિધ પ્રવૃતિઓનું આયોજન કરવામાં આવશે. જે દ્વારા બાળકોમાં વ્યસનમુક્તિ, દેશભક્તિ અને માં-બાપનું સમ્માન જેવાં ગુણોનું સિંચન થશે. આ ઉદઘાટન સમારોહ દરમિયાન બાળકો માટે લોકગીત, નુક્કડ નાટક, કવિતા જેવી કૃતિઓનું આયોજન કરવામાં આવ્યું હતું.
આ પ્રસંગે છાંયડોનાં પ્રેસિડેન્ટ ભરતભાઈ શાહ, સાર્વજનિક એજ્યુકેશન સોસાયટીનાં ચેરમન રાજેશ દેસાઈ, અન્ય હોદ્દેદાર અજીત શાહ, પ્રતિક શ્રોફ, બ્રહ્માકુમારીનાં પ્રતિનિધિ અવનિબેન, શાળાનાં આચાર્ય સી.ડી. પટેલ ઉપરાંત વાલીમંડળનાં સભ્યો હાજર રહ્યા હતાં.
About The Author
