તાપી જિલ્લામાં મનરેગા યોજના અંતર્ગત કામોના વિવિધ સ્થળો ઉપર મજુરોને જરૂરી માર્ગદર્શન આપી કોરોના પ્રતિરોધક રસી મુકાવવા પ્રોત્સાહિત કર્યા
(માહિતી બ્યુરો દ્વારા, વ્યારા-તાપી) : તા.27: તાપી જિલ્લામાં કોરોના મહામારીને નાથવા વહિવટી તંત્ર દ્વારા વેક્સિનેશન કામગીરીને ઝુંબેશરૂપે ઉપાડવામાં આવી છે. જેમાં છેક છેવાડાના ગામના વ્યક્તિઓ પણ પોતાને મહામારીથી સુરક્ષિત કરી શકે તેવા શુભ આશય સાથે વિવિધ સ્થળોઓ અધિકારીઓ-કર્મચારીઓ અને પ્રતિષ્ઠિત વ્યક્તિઓ દ્વારા રસીકરણ બાબતે પ્રવર્તમાન અફવાઓને દુર કરી સાચી સમજણ ઉભી કરવામાં આવી રહી છે. જેમાં નિઝર તાલુકાના અંતરિયાળ વિસ્તારમાં આવેલા રાયગઢ અને રૂમકીતલાવ ગામે મનરેગા યોજના અંતર્ગત ચાલી રહેલી કામોના સ્થળો ઉપર મજુરોને રસીકરણ માટે જિલ્લા પંચાયત પ્રમુખશ્રી સુરજભાઇ વસાવા, મામલતદારશ્રી વસાવા અને તાલુકા વિકાસ અધિકારીએ જરૂરી માર્ગદર્શન આપી પ્રતિરોધક રસી મુકાવવા પ્રોત્સાહિત કર્યા હતા.
આ ઉપરાંત ડોલવણ તાલુકાના કણાધા, પીઠારા ગામે, નાયબ મામલતદાર મહેસુલ, સર્કલ ઓફિસર સહિત આરોગ્ય અને મહેસૂલી કર્મચારીઓ દ્વારા કોરોના મહામારીને નાથવા રસીકરણની અનિવાર્યતા, ફાયદા અંગે લોકજાગૃતિ કેળવવામાં આવી હતી. કોરોનાની બીજી લેહેર ગામ સુધી પંહોચી છે ત્યારે ગામના તમામ લોકો કોરોના પ્રતિરોધક રસી મુકાવે સાથે કોવિદ-૧૯ની તમામ માર્ગદર્શિકાનું ચુસ્તપણે પાલન કરે તે ખુબ જરૂરી છે.
000000
About The Author
