વાંકલ ખાતે સ્થાનિક સ્વરાજની ચૂંટણી માટે કોંગ્રેસ સમિતીની મળેલી બેઠક
Contact News Publisher
(નલિન ચૌધરી દ્વારા, ભડકુવા- માંગરોળ): સ્થાનિક સ્વરાજ એટલે કે જિલ્લા પંચાયત અને તાલુકા પંચાયતની ચૂંટણી નજીક આવી રહી છે ત્યારે જે તે બેઠક પર ઉમેદવારી કરવા આજરોજ માંગરોળ તાલુકાના વાંકલ ગામે કન્યા છાત્રાલય ખાતે કોંગ્રેસ સમિતિ દ્વારા ટિકિટ ફાળવણી માટે બેઠક મળી હતી. માંગરોળ તાલુકાના વિવિધ ગામોમાંથી કોંગ્રેસના કાર્યકરો ચૂંટણીમાં ઉમેદવારી માટે દાવેદારી કરવા માટે મોટી સંખ્યામાં ઉપસ્થિત રહ્યા હતા.
આ બેઠકમાં ધારાસભ્યશ્રી પુનાજીભાઈ ગામીત, માજી સાંસદશ્રી કિશનભાઈ પટેલ, સુરત જિલ્લા કોંગ્રેસ સમિતિના પ્રવક્તા મનહરભાઈ પટેલ સહિત આજુબાજુના ગામના કોંગી કાર્યકરો હાજર રહ્યા હતા. આ બેઠકમાં તાલુકા અને જિલ્લા પંચાયતની ચૂંટણીમાં યોગ્ય ઉમેદવારની પસંદગી બાબતે ચર્ચા વિચારણા કરવામાં આવી હતી. ચૂંટણીમાં ઉમેદવારી માટે અનેક ઉમેદવારો મોટી સંખ્યામાં હાજર રહ્યા હતા.
About The Author