વ્યારા ગામીત સમાજ દ્વારા આયોજીત ક્રિકેટ ટુર્નામેન્ટમાં ગાયસવાર ઇલેવન વિજેતા
ટુર્નામેન્ટ માં મેન ઓફ સિરીઝ યુસુફ ગામીત તથા બેસ્ટ બેસ્ટમેન દીપેશ ગામીત
(પ્રતિનિધિ દ્વારા, વ્યારા): ગામીત સમાજ વ્યારા આયોજીત દ્વિતીય ટેનિસ ક્રિકેટ ટુર્નામેન્ટ અંતર્ગત તા 10/11/19ના રોજ વ્યારાના સયાજી ગ્રાઉન્ડ ખાતે ફાઇનલ મેચ યોજાઈ હતી. ટુર્નામેન્ટની ફાઇનલ મેચ ગાયસવાર ઇલેવન અને દ્રીશ્યા અને ધ્યાનશી ઇલેવન વ્યારા વચ્ચે રમાઈ હતી. ગામીત સમાજ વ્યારા આયોજીત દ્વિતીય ટેનિસ ક્રિકેટ ટુર્નામેન્ટની ફાઈનલ મેચમાં ગાયસવાર ઇલેવને 110 રનનો ટાર્ગેટ દ્રીશ્યા અને ધ્યાનશી ઇલેવન વ્યારા ટીમને આપ્યો હતો. જેમાં દ્રીશ્યા અને ધ્યાનશી ઇલેવન વ્યારા 82 રન જ કરી શકી હતી. જેથી ગાયસવાર ઇલેવન ટીમને 28 રનથી વિજેતા ઘોષિત કરાઈ હતી. જ્યારે દ્રીશ્યા અને ધ્યાનશી ઇલેવન વ્યારા ટીમ રનર્સઅપ રહી હતી. ટુર્નામેન્ટમાં મેન ઓફ સિરીઝ ગાયસવાર ઇલેવન ટીમના યુસુફ ગામીત તથા બેસ્ટ બેસ્ટમેન દીપેશ ગામીત તથા બેસ્ટ બોલર પ્રતીક ગામીતને આપવામાં આવેલ છે.
About The Author
