વ્યારાનાં મિશનનાકા સ્થિત મેળાનાં પાર્કિંગ ગ્રાઉન્ડમાંથી એકટિવા મોપેડની ઉઠાંતરી
પ્રતીકાત્મક તસ્વીર
(પ્રતિનિધિ દ્વારા , વ્યારા) : તાપી જીલ્લાનાં વ્યારાનાં મિશનનાકા સ્થિત ભરાયેલા મેળાનાં પાર્કિંગ ગ્રાઉન્ડમાં પાર્ક કરાયેલી એકટીવા મોપેડ ગાડીની ઉઠાંતરીની ઘટના પ્રકાશમાં આવી છે.
વ્યારા પોલીસ મથકેથી પ્રાપ્ત વિગતો મુજબ, વ્યારા ખાતે રહેતા શૈલેષભાઈ ક્રિપારામ પરમારની દીકરી ગત્ તા. ૨૪ મી જાન્યુઆરીનાં રોજ સાંજે ૭ કલાકે એકટીવા મોપેડ ગાડી નંબર જી.જે.ર ૬ – ડી –૪પ૦૮ વ્યારાનાં મિશનનાકા સ્થિત મેળાનાં પાર્કિંગ ગ્રાઉન્ડમાં પાર્ક કરી મેળો જોવા ગયા હતાં. જયાંથી પરત બહાર ફરતા તેમની એકટીવા મોપેડ પાર્ક કરેલ જગ્યાએ નહીં મળતા તેમણે શોધખોળ આદરી હતી. કોઈકની સાથે એકટીવા એક્ષચેંજ થઈ ગઈ હશે અને પરત ફરશે તેવી આશાથી તેઓ મોડે સુધી તે સ્થળે રોકાયા હતાં. પરંતુ કોઈ એકટીવા લઈને પરત નહીં આવતા એકટીવાની શોધખોળ વ્યારા ખાતે શરૂ કરી હતી . જે એકટીવા મોપેડ આજદિન નહીં મળી આવતા છેલ્લે વ્યારા પોલીસને ફરિયાદ આપતાં વ્યારા પોલીસે આજે તા. ર૯મીનાં રોજ અજાણ્યા ચોર ઈસમ વિરૂદ્ધ ગુનો નોંધી આગળની તપાસ હાથ ધરી છે .
About The Author
