દક્ષિણ ગુજરાત પીજારા સમાજની મળેલી બેઠક, શિક્ષણક્ષેત્રે પરિવર્તન લાવવા એજ્યુકેશન સમિતિની કરાયેલી રચનાં, પ્રમુખપદે માંગરોળનાં ઝંખવાવના મુસ્તાક પીજારાની કરાયેલી નિમણુંક
(નઝીર પાંડોર દ્વારા, માંગરોળ) : દક્ષિણ ગુજરાત વિભાગ કાઠીયાવાડી મુલતાની પીજારા સમાજની એક બેઠક તાજેતરમાં યોજાઈ ગઈ. આ બેઠકમાં કરીના કાળમાં અવસાન પામેલાં સૌરાષ્ટ્ર વિભાગનાં પ્રમુખ માનજીભાઈ મખીયાલા, સતારભાઈ ભઠ્ઠી,હાસમ ભૂરા ભઠ્ઠી તથા અન્ય જે લોકોનાં અવસાન થયા છે એમનાં માટે મગફિરતની દુઆ માંગવામાં આવી હતી. સમાજમાં એજ્યુકેશનની જાગૃતિ લાવવા માટે એક એજ્યુકેશન કમિટીની રચનાં કરવામાં આવી હતી. જેમાં પ્રમુખપદે માંગરોળ તાલુકાનાં ઝંખવાવ ગામનાં મુસ્તકભાઈ મુલતાની (પીજારા) ની વરણી કરવામાં આવી છે માંગરોળ તાલુકાનાં ઝંખવાવ ગામે આ સમાજની વસ્તી વધુ છે. દર વર્ષની જેમ ચાલુ વર્ષે પણ સમૂહ લગ્નનો કાર્યક્રમ યોજવાનું નક્કી કરવામાં આવ્યું છે. આ સમૂહ લગ્નના કાર્યક્રમમાં સમાજનાં જે લોકો જોડાવા માંગતા હોય એમણે સમાજનાં પ્રમુખ ઉવેશભાઈ મોબાઈલ નંબર ૯૮૨૫૭૧૭૧૧૭, સલીમભાઈ-૯૮૭૯૮૬૫૪૩૦ તથા અકબરભાઈ- ૯૮૨૪૭૬૩૨૮૨ નો સંપર્ક કરી પોતાનાં નામો નોંધાવી શકશે.
About The Author
