શ્રીરામ જન્મભુમી તીર્થ સ્થળ ટ્રસ્ટ દ્વારા અયોધ્યા રામ મંદિર ના નિર્માણ માટે વઘઇ આંબામાતાના મંદિરે સદભાવ બેઠક યોજાઈ
(અર્જુન જાધવ દ્વારા, વઘઈ) :શ્રીરામ જન્મભુમી તીર્થ સ્થળ ટ્રસ્ટ દ્વારા અયોધ્યા રામ મંદિર ના નિર્માણ માટે હિન્દૂ ઘર ઘર સુધી સંપર્ક તથા નિધિ સંગ્રહની અભિયાન સ્વરૂપ વઘઇ તાલુકા કેન્દ્ર ના વઘઇ આંબામાતા ના મંદિરે સદભાવ બેઠક યોજવામાં આવી હતી. જેમાં સાધુ સંતો, સમાજ ના આગેવાનો વિવિધ સંગઠન તેમજ સંપ્રદાયના આગેવાનો ઉપસ્થિત રહ્યા હતા. આ બેઠકમાં હિન્દૂ સમાજના સહયોગથી શ્રીરામનું ભવ્ય મંદિર બને, રામ મંદિર રાષ્ટ્ર મંદિર બને, પુનઃ રામ રાજ્ય ની સ્થાપના થાય એવા આર્શીવચનો થયા હતાં. કાર સેવકોમાં જનાર પરિવાર જેમને બલિદાન આપ્યા છે એમનું સ્મરણ કરી એમનું સન્માન પણ કરવામાં આવ્યું હતું. તેમજ તમામ હિન્દૂ ભાઈઓના સહકારથી આ કાર્ય પૂર્ણ થાય એવી હાકલ કરવામાં આવી હતી. આ સદભાવ બેઠકમાં હાજર તમામ સંગઠનના હોદેદારો સભ્યો એ તાલુકા લેવલની જવાબદારી ઉપાડી લઈ આ શુભ કાર્યની શરૂઆત કરવામાં આવી હતી.
About The Author
