તાપી : વાંકા ગામનાં અનાજનાં ગોડાઉન પાસેથી નવજાત બાળકનો મૃતદેહ મળી આવ્યો
પ્રતિકાત્મક તસ્વીર
(પ્રતિનિધિ દ્વારા, વ્યારા) : નિઝર તાલુકાનાં વાંકા ગામે ગઈકાલનાં રોજ કોઇ અજાણ્યાએ એક દિવસનાં મૃત નવજાત બાળકનો મૃતદેહ બિનવારસી હાલતમાં મળી આવતા ચક્ચાર મચી જવા પામી છે.
નિઝર પોલીસ મથકેથી પ્રાપ્ત થતી માહિતી મુજબ તાપી જીલ્લાના નિઝર તાલુકામાં આવેલ વાંકા ગામ ખાતે ગઈકાલ તા. 25મી નાં રોજ વાંકા ગામનાં માજી સરપંચ પાસુકભાઇ ભુલાભાઇ પાડવીએ નિઝર પોલીસને જાણ કરી હતી કે, વાકા ગામની પ્રાથમિક શાળાની બાજુમાં આવેલ અનાજનું ગોડાઉનની પાસે આવેલ ખુલ્લી જગ્યામાં રોડની પશ્ચિમ દિશાના ભાગે કોઇ નવાજાત બાળક (પુરૂષ)નુ મૃતદેહ પડેલ છે. જે કોઇ અજાણ્યો ઈસમ ફેકી ગયેલ છે. પોલીસે ઘટના સ્થળે તપાસ કરતાં નવજાત બાળકને જોતા જે કાળા તથા વાદળી કલરના કાપડમાં લપેટીને હાલતમાં જોવા મળેલ. જે બાળક ગોરા વર્ણનો જેની ઉંચાઈ આશરે દોઢ ફુટની હતી. જે તાજું જન્મેલ બાળક આશરે દિન ૦૧ નુ હોવાનુ જણાઇ આવેલ. જેને નિઝર સરકારી દવાખાને લઇ જવામાં આવેલ છે. આ અંગે નિઝર પોલીસે અજાણ્યા ઇસમ વિરૂદ્ધ ફરિયાદ નોંધી છે જેની તપાસ નિઝર PSI એન. ઝેડ. ભોયા કરી રહ્યા છે.
About The Author
