વ્યારા : બામણામાળનજીક ડમ્પર અને મોટરસાયકલ વચ્ચે અકસ્માત : મોટરસાયકલ સવાર બે યુવકોના મોત
(પ્રતિનિધિ દ્વારા, વ્યારા) : વ્યારા તાલુકાના બામણામાળ નજીક ગામની સીમમાં આંબિયા ગામ તરફ જતાં રસ્તે આજરોજ તારીખ ૨૯મી ઓકટોબરના રોજ સવારે 9:30 કલાકે ( ૧ ) દર્પણભાઇ સતીષભાઇ ચૌધરી રહે, આંબીયા ગામ કંટોલ ફળીયુ તા.વ્યારા જી.તાપી ( ૨ ) જૈનિલભાઇ જીગ્નેશભાઇ ચૌધરી રહે, કેળકુઇ ગોડાઉન ફળીયુ તા.વ્યારા જી.તાપી બંનેએ હેલ્મેટ પહેર્યા વગર કેળકુઇ ગામથી બજાજ કંમ્પનીની એવેન્જર મોટર સાયકલ રજી નં. GJ 26 – JH – 2876 ઉપર બેસીને આંબીયા ગામે જતા હોય ત્યારે મૌજે- બામણામાળનજીક ગામની સીમમાં આંબીયા ગામ તરફ જતા રોડ ઉપર સામેથી ટાટા કંમ્પનીની હાઇવા ડમ્પર રજી નં . GJ.03 – BT – 2711 ના ચાલકે પોતાના કબ્જાનું ડમ્પર પુર ઝડપે અને બેફિકરાઇથી ચલાવીને એવેંજર મો.સા. ને અડફેટે લઇ મો.સા.ને રોડ ઉપર પાડી બાઇક સવાર બંને યુવકોને માથામાં ગંભીર ઇજા કરી મોત નિપજાવી ટ્રક ચાલક ટ્રક મુકી નાશી ગયો હતો.
જે અંગે વ્યારા પોલીસે રસીકભાઈની ફરિયાદ આધારે ડમ્પર ચાલક વિરુદ્ધ ગુનો નોંધી આગળની કાર્યવાહી હાથ ધરી છે. આ ગુનાની વધુ તપાસ વ્યારા પોલીસ મથકનાં પી.આઇ. આર. એસ. પટેલ કરી રહ્યાં છે.
About The Author
