તાલુકા મથક માંગરોળ સહિતનાં કેટલાક સ્થળો કોરોનાનાં હોટ સ્પોટ : માંગરોળ, મોસાલી, વાંકલ, તરસાડી, કોસંબાનાં બજારોમાં અર્ધા બપોરનું લોકડાઉન: તાલુકા મથક માંગરોળ અને કોસંબા તથા તરસાડી વિસ્તારોને કોરોનાં હોટ સ્પોટ જાહેર થયા
(નઝીર પાંડોર દ્વારા, માંગરોળ) : તાલુકા મથક માંગરોળ અને કોસંબા તથા તરસાડી વિસ્તારોને કોરોનાં હોટ સ્પોટ જાહેર થયા છે ત્યારે તાલુકા મથક માંગરોળ, મોસાલી, વાંકલ, તરસાડી, કોસંબા વિસ્તારનાં બજારો આગામી તારીખ ૨૭મી જુલાઈ સુધી અર્ધો બપોર લોકડાઉન પાડશે, આ ગ્રામ પંચાયતોનાં સરપંચોએ પોત પોતાનાં વિસ્તારોમાં આવતાં બજારોની દુકાનોમાંથી જે દુકાનો આવશ્યક ચીજ વસ્તુઓનું વેચાણ કરે છે એ જ દુકાનો સવારે ૭ થી બપોરે ૨ વાગ્યા સુધી ખુલ્લી રહેશે, વેપારીઓએ હાથ મોજાં, માસ્ક, સેનેતાઇઝરનો ઉપયોગ કરવાનો રહેશે. ગ્રાહકોએ પણ માસ્ક પહેરીને આવવાનું રહેશે, સાથે જ સોશિયલ ડિસ્ટરન્ટ રાખવાનું રહેશે, આનો અમલ ન કરનારાઓ સામે કાયદેસરની કાર્યવાહી કરવામાં આવશે એવી જાહેરાત ગ્રામ પંચાયતોએ કરી છે, તો કેટલીક ગ્રામ પંચાયતો એ અમલ ન કરનારાઓ સામે રોકડ દંડ કરવાની જાહેરાત પણ કરી છે. જ્યારે ઝંખવાવ ખાતે બજારનો લોકડાઉનનો સમય કયો રાખવો એ અંગે ચર્ચા વિચારણા કરી રહ્યા છે.
About The Author
