એન્ટી માઇક્રોબિયલ રેઝિસ્ટન્સ અંગે એક દિવસીય ચર્ચા સત્ર યોજાયું

(પ્રતિનિધિ દ્વારા, વ્યારા) : તા. 21. સરકારી વિજ્ઞાન મહાવિદ્યાલય, સોનગઢ તથા સેન્ટર ઓફ એક્સલન્સ ઇન એક્વાકલ્ચર, કામધેનુ યુનિવર્સિટી, ઉકાઈના સંયુક્ત ઉપક્રમે આજે “એન્ટી માઇક્રોબિયલ રેઝિસ્ટન્સ (Antimicrobial Resistance – AMR)” વિષય પર એક દિવસીય ચર્ચા સત્રનું આયોજન કરવામાં આવ્યું હતું.

કાર્યક્રમનો મુખ્ય ઉદ્દેશ વિદ્યાર્થીઓમાં એન્ટી માઇક્રોબિયલ રેઝિસ્ટન્સ અંગે જાગૃતિ કેળવવાનો તેમજ “વન હેલ્થ” (One Health) અભિગમ અને તેના મહત્વ અંગે વિદ્યાર્થીઓને માહિતગાર કરવાનો હતો.

આ પ્રસંગે મુખ્ય વક્તા તરીકે ડૉ. સ્મિત આર. લેન્ડે, હેડ, સેન્ટર ઓફ એક્સલન્સ ઇન એક્વાકલ્ચર, કામધેનુ યુનિવર્સિટી, ઉકાઈ તથા ડૉ. કિરણ મોદી, રિસર્ચ એસોસિએટ , કામધેનુ યુનિવર્સિટી, ઉકાઈ દ્વારા વિદ્યાર્થીઓને એન્ટી માઇક્રોબિયલ રેઝિસ્ટન્સ, તેના કારણો, પડકારો તથા માનવ, પ્રાણી અને પર્યાવરણના સ્વાસ્થ્ય સાથેના સંબંધ, નિવારણ અને તેને કઈ રીતે નિયંત્રિત કરી શકાય તે અંગે માર્ગદર્શન આપવામાં આવ્યું હતું.

કાર્યક્રમમાં કોલેજના આચાર્યશ્ રીમતી નીતાબેન પટેલ તથા ડૉ. કે. એસ. પીઠાવાલા સાહેબ સહિત કોલેજના અધ્યાપકો અને વિદ્યાર્થીઓ ઉપસ્થિત રહ્યા હતા.

ચર્ચા સત્રમાં આશરે 130 જેટલા વિદ્યાર્થીઓએ ઉત્સાહપૂર્વક ભાગ લીધો હતો. વિદ્યાર્થીઓ સાથે સંવાદાત્મક ચર્ચા અને પ્રશ્નોત્તરી દ્વારા AMR અંગેની સમજ વધુ મજબૂત કરવામાં આવી હતી. સમગ્ર કાર્યક્રમના અંતે વિદ્યાર્થીઓમાં વિષય પ્રત્યે જાગૃતિ, ઉત્સાહ અને જવાબદારીની ભાવના જોવા મળી હતી.

આ કાર્યક્રમ દ્વારા વિદ્યાર્થીઓને **“One Health – One Responsibility”**ના અભિગમ સાથે એન્ટી માઇક્રોબિયલ રેઝિસ્ટન્સ સામે જાગૃતિ અને જવાબદાર વર્તન માટે પ્રેરિત કરવામાં આવ્યા.

○○○

સૌથી મહત્વપૂર્ણ બાબતથી ચૂકશો નહીં.

👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !

_______________