રસ્તો ભૂલાયેલી મહિલાને 181 અભયમ બારડોલી ટીમે સુરક્ષિત આશ્રય અપાવ્યો
જાગૃત નાગરિકની જાણ બાદ 181 ટીમે તાત્કાલિક સ્થળ પર પહોંચી જરૂરી મદદ કરી અને મહિલાને સખી વન સ્ટોપ સેન્ટર ખાતે સુરક્ષિત પહોંચાડી
(પ્રિયા દુબે દ્વારા, બારડોલી) : તા. ૧૫. બારડોલી પંથકમાં રાત્રિના સમયે એક મહિલા જાહેર સ્થળ પર એકલા અને અસુરક્ષિત સ્થિતિમાં જોવા મળતા એક જાગૃત નાગરિકે તેમની સુરક્ષાને ધ્યાનમાં રાખીને તાત્કાલિક 181 અભયમ મહિલા હેલ્પલાઇન પર જાણ કરી હતી.
માહિતી મળતાં જ 181 અભયમ બારડોલી ટીમના કાઉન્સેલર તૃપ્તિ પટેલ સાથે મહિલા કોન્સ્ટેબલ ભાવનાબેન ચૌધરી અને પાયલોટ નિકુંજભાઈ તાત્કાલિક ઘટનાસ્થળે પહોંચ્યા હતા.
ઘટનાસ્થળે પહોંચીને ટીમ દ્વારા સૌપ્રથમ મહિલાની સલામતી અને પરિસ્થિતિનું મૂલ્યાંકન કરવામાં આવ્યું હતું. ત્યારબાદ કાઉન્સેલર દ્વારા મહિલાની સાથે વાતચીત કરી તેમની ઓળખ, રહેઠાણ, પરિવારજનો તથા વર્તમાન પરિસ્થિતિ અંગે જરૂરી માહિતી મેળવવાનો પ્રયાસ કરવામાં આવ્યો હતો. જોકે, તે સમયે જરૂરી માહિતી સ્પષ્ટ રીતે મળી શકી ન હતી.
મહિલાની પરિસ્થિતિને ધ્યાનમાં રાખીને તેમને રાત્રિના સમયે જાહેર સ્થળ પર એકલા રાખવા યોગ્ય ન હોવાનું જણાતા તેમની સુરક્ષાને પ્રાથમિકતા આપવામાં આવી હતી. 181 અભયમ ટીમ દ્વારા જરૂરી સુરક્ષાત્મક હસ્તક્ષેપ કરી મહિલાને સુરક્ષિત સ્થળે પહોંચાડવાની કાર્યવાહી હાથ ધરવામાં આવી હતી.
આ અંગે કાઉન્સેલર દ્વારા સખી વન સ્ટોપ સેન્ટર સાથે તાત્કાલિક સંકલન કરવામાં આવ્યું હતું. જરૂરી વ્યવસ્થા થયા બાદ 181 અભયમ બારડોલી ટીમ દ્વારા મહિલાને સુરક્ષિત રીતે સખી વન સ્ટોપ સેન્ટર ખાતે પહોંચાડવામાં આવી હતી, જ્યાં તેમને જરૂરી આશ્રય, સંભાળ અને માર્ગદર્શન મળી રહે તેવી વ્યવસ્થા કરવામાં આવી હતી.
આ સમગ્ર કામગીરી દરમિયાન 181 અભયમ ટીમ દ્વારા તાત્કાલિક પ્રતિસાદ, સ્થળ પરિસ્થિતિનું મૂલ્યાંકન, કાઉન્સેલિંગ, સુરક્ષાત્મક હસ્તક્ષેપ અને સંબંધિત સંસ્થા સાથે સંકલન કરવામાં આવ્યું હતું.
જાગૃત નાગરિકની સમયસરની જાણ અને 181 અભયમ ટીમના તાત્કાલિક પ્રતિસાદથી મહિલાને અસુરક્ષિત પરિસ્થિતિમાંથી બહાર લાવી સુરક્ષિત આશ્રય મળી શક્યો હતો.
સુરક્ષિત આશ્રયની વ્યવસ્થા થયા બાદ મહિલાએ 181 અભયમ ટીમ દ્વારા કરવામાં આવેલી મદદ, સુરક્ષા અને સહાય બદલ ટીમનો આભાર વ્યક્ત કર્યો હતો.
○○○
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
________________
About The Author
