તાપી જિલ્લાના જન ધન ખાતા ધારકો માટે બેંકમાં તારીખો નિયત કરાઈ 

ખાતા ધારકોની બિનજરૂરી ભીડ ન થાય તે માટે વહીવટી તંત્ર દ્વારા કરાઈ વ્યવસ્થા 

(પ્રતિનિધિ દ્વારા, વ્યારા ) : ભારત સરકારશ્રી દ્વારા જણાવ્યા મુજબ, મહિલા જન ધન ખાતામાં ₹ 500/- ની ઉપાડ માટે તારીખ નીચે દર્શાવ્યા મુજબ જિલ્લા વહીવટી તંત્ર દ્વારા નિયત કરવામાં આવી છે.

જે ખાતા ધારકના બેન્ક એકાઉન્ટના અંતિમ અંકો 0 અને 1 છે, તેમને માટે તારીખ 03/04/2020 છે.

બેન્ક એકાઉન્ટના અંતિમ અંકો 2 અને 3 માટે તારીખ 04/04/2020 છે.

બેન્ક એકાઉન્ટના અંતિમ અંકો 4 અને 5 માટે તારીખ 07/04/2020 છે.

બેન્ક એકાઉન્ટના અંતિમ અંકો 6 અને 7 માટે તારીખ 08/04/2020 છે.

બેન્ક એકાઉન્ટના અંતિમ અંકો 8 અને 9 માટે તારીખ 09/04/2020 છે.

તા: ૯/૦૪/૨૦૨૦ પછી પણ બેંકમાંથી પૈસા ઉપાડી શકાશે, આ તારીખો માત્ર ને માત્ર બેંકમાં બિનજરૂરી ભીડ ન થાય અને “કોરોના” વાયરસનું સંક્રમણ ન થાય તેને ધ્યાને રાખીને કરવામાં આવેલ છે, તો તેમાં તમામ ખાતા ધારક ગ્રાહકોને સહયોગ આપવા કલેકટરશ્રી દ્વારા વિનંતી કરવામાં આવી છે.

વધુમાં સરકારશ્રી દ્વારા જન ધન ખાતામાં મળવાપાત્ર સહાય ₹ 500/- ઉપર જણાવેલ તારીખના એક દિવસ પહેલાં ખાતામાં જમા કરવામાં આવશે, જેની પણ સૌને નોંધ લેવા જણાવાયું છે.
–

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts