શિશુ ગુર્જરી/વિદ્યા ગુર્જરી શાળામાં ૭૪માં ગણતંત્ર દિવસની ઊજવણી
(પ્રતિનિધિ દ્વારા, વ્યારા) : શ્રી અરૂણા અનિલ વ્યારા પ્રદેશ વિકાસ પ્રતિષ્ઠાન સંચાલિત શિશુ ગુર્જરી પૂર્વ પ્રાથમિક શાળા તથા વિદ્યા ગુર્જરી પ્રાથમિક અને માધ્યમિક શાળામાં તા.26/01/2023 ને ગુરુવારના રોજ ૭૪માં ગણતંત્ર દિવસની ઊજવણી કરવામાં આવી.
આ પ્રસંગે ધ્વજપ્રમુખ તરીકે સંસ્થાના ઉપપ્રમુખ માનનીય શ્રી. શિરીષભાઈ વી. પ્રધાન ઉપસ્થિત થયા તેમના હસ્તે ધ્વજવંદન કરવામાં આવ્યું.પ્રસંગોચિત ઉદ્દબોધનમાં તેમણે વર્ષ દરમિયાન શાળામાં અભ્યાસ કરતા બાળકોએ જિલ્લા કક્ષાએ અને રાજ્યકક્ષાએ વિવિધ સ્પર્ધાઓમાં પ્રાપ્ત કરેલ સિદ્વિઓની નોંધ લઈ દરેક બાળકોને સન્માનિત કર્યા, તેમજ વિજ્ઞાન અને ગણિત પ્રદર્શનમાં ભાગ લેવા બદલ પ્રમાણપત્ર પ્રાપ્ત થયા હતા તેનું વિતરણ કરવામાં આવ્યું. સાથે-સાથે આ બાળકોને તૈયાર કરવામાં જેમનો મહત્ત્વનો ફાળો છે તેવા શિક્ષકશ્રીઓને પણ સન્માનિત કર્યા અને તેમને જીવનમાં ખૂબ આગળ વધવાની શુભેચ્છાઓ પાઠવી અને આ પ્રસંગે શ્રી અરૂણા અનિલ વ્યારા પ્રદેશ વિકાસ પ્રતિષ્ઠાન ટ્રસ્ટના ટ્રસ્ટી અને મુરબ્બી માનનીય શ્રી હસમુખભાઈ ડી. શાહ ઉપસ્થિત થયા તેનો વિશેષ આનંદ વ્યકત કરેલ.
શાળાના પૂર્વ પ્રાથમિક વિભાગના ભૂલકાંઓએ આ પ્રસંગે દેશભક્તિના ગીત પર કૃતિ રજૂ કરેલ અને અન્ય બાળકોએ દેશભક્તિ ગીત રજૂ કર્યા. શાળાના શિક્ષક શ્રી પ્રીતમભાઈ વસાવાએ પણ દેશભક્તિ ગીતના સૂરથી શાળાનું વાતાવરણ દેશભક્તિમય બનાવી દીધું.
અને સૌ ભારતમાતા કી જય અને વંદે માતરમના નારા બોલાવી સૌ મીઠું મોં કરી છૂટા પડ્યા.
About The Author
