રાજયના પંચાયત સેવાના આરોગ્ય કર્મચારીઓને ૨૮મીથી રાજયભરમાં રીપોર્ટીંગ સીસ્ટમ ઠપ્પ કરવા આદેશ
આરોગ્ય મહાસંઘ દ્રારા તાપીના પદમડુંગરી ખાતે યોજાયેલ એકશન પ્લાન મીટીંગમાં આંદોલનના કાર્યક્રમો જાહેર થયા
(પ્રતિનિધિ દ્વારા, વ્યારા) : ગુજરાત રાજયના પંચાયત સેવાના આરોગ્ય કર્મચારીઓના પડતર પશ્નો મુદ્દે ગત ફેબ્રુઆરી માસ દરમ્યાન ૧૩ દિવસની સફળ હડતાળ પછી તા . 27/2/19ના રોજ નાયબ મુખ્યમંત્રી નિતીન પટેલના અધ્યક્ષપણા હેઠળ સમાધાન બેઠકમાં ૧ થી ૧૩ જેટલા નાંણાકીય અને વહીવટી પ્રશ્નો અંગે ટુંક સમયમાં તબકકાવાર નિરાકરણ લાવી આપવા સરકારશ્રી તરફથી લેખિત બાંહેદરી આપી હતી . તે મુજબ આરોગ્ય અને પરિવાર કલ્યાણ વિભાગ દ્રારા ૧ થી ૧૩ પડતર પ્રશ્નોની દરખાસ્ત નાણા વિભાગને રજુ કરી હતી પરંતુ રજુ કરેલ દરખાસ્ત નાણા વિભાગે અસ્વીકાર કરી કોઈ પણ કારણ આપ્યા વગર બે વખત તા . ૮ / ૫ / ૨૦૧૯ , ૧૦ / ૫ / ૨૦૧૯ , ૧૪ / ૫ / ૨૦૧૯ની તારીખોએ પરત કરવામાં આવતા આરોગ્ય કર્મચારીઓમાં સરકારે કરેલ છેતરપિંડીથી રાજય ભરમાં આક્રોશ સાથે રોષ ભભુકી ઉઠતા આરોગ્ય કર્મચારી મહાસંઘે ફરી આંદોલનનો માર્ગ અપનાવ્યો છે .
ગુજરાત રાજય આરોગ્ય કર્મચારી મહાસંઘના પ્રમુખ કિરીટસિંહ ચાવડા મહામંત્રી વી . પી . જાડેજા અને મુખ્ય કન્વીનર સરેશ ગામીતની એક અખબારી યાદીમાં જણાવ્યા મુજબ આંદોલન સમયે થયેલા સમાધાન મુજબ એક પણ પ્રશ્નનો નિકાલ ના આવતા ફરીથી સરકારમાં લેખિત , મૌખિક અને વારંવારની રજુઆતોમાં સરકારે નન્નો ભણી દેતા તા . 24/11/19ના રોજ તાપી જિલ્લાના પદમડુંગરી ગામે ૩૩ જિલ્લાના હોદ્દેદારો , પ્રતિનિધિઓ વચ્ચે મહાસંઘના મુખ્ય કન્વીનર સુરેશ ગામીતે આંદોલન અંગેના કાર્યક્રમો જાહેર કર્યા હતા જેને તમામ હોદ્દેદારોએ “ આર પાર ” ની લડાઈ લડી લેવા નેમ વ્યકત કરી હતી . જાહેર થયેલા આંદોલનના કાર્યક્રમો મુજબ ( ૧ ) તા. 28/11/19ના રોજથી તમામ કેડરના કર્મચારીઓ ફરજ બજાવશે પરંતુ ઓનલાઈન કે ઓફલાઈન કોઈ પણ રીપોર્ટ વડી કચેરીએ આપશે નહિ ( ૨ ) તા. 9/12/19ના રોજ ગુજરાતના તમામ જિલ્લા મથકોએ એક દિવસના ધરણા , રેલી , કરી સરકારની કર્મચારી વિરોધી નીતિ સામે સુત્રોચ્ચાર અને દેખાવો કરશે ( ૩ ) તા. 17/12/19ના રોજ આરોગ્ય કમિશ્નરની કચેરીએ જિલ્લાના કર્મચારીઓ સામુહિક રજુઆત કરવા જશે તેમ છતાં કોઈ નિવેડો ના આવે તો ત્યાર બાદ ( ૪ ) અન્ય ઉગ્ર આંદોલનના કાર્યક્રમો આપવામાં આવશે .જે કાર્યક્રમો નીચે મુજબ છે.
( ૧ ) ( A ) તા . ૨૮ / ૧૧ / ૨૦૧૯ના રોજથી જોબ ચાર્ટને લગતા વર્કલોડ તથા અન્ય તમામ કામગીરીઓ કરવી પરંતુ તે અંગેની માહિતી , રિપોર્ટ જયાં સુધી આંદોલન સમાપ્ત ન થાય ત્યાં સુધી આપવા નહિ . ( B ) સબસેન્ટર , પ્રા . આ . કેન્દ્રો , તાલુકા હેલ્થ કચેરી , જિલ્લા કક્ષાએ ફરજ બજાવતા તમામ કેડરના તમામ પ્રકારના ઓનલાઈન અને ઓફ લાઈન રીપોટીંગ સંપૂર્ણ બંધ કરવા . ( C ) તમામ કેડરના ડેઈલી , વીકલી અને મંથલી કોઈપણ રિપોર્ટ કરવા નહિ . ( D ) મ . પ . હે . વ . અને ફિમેલ હેલ્થ વર્કરનો ટેકો મોબાઈલ ત્રણ દિવસ લોગ આઉટ કરી સ્વીચ ઓફ કરી દેવા અને ત્યાર બાદ તા . ૧ / ૧૨ / ૨૦૧૯ના રોજથી તાલુકા આરોગ્ય કચેરીએ જમા કરાવી દેવા . ( E ) ફાર્માસીસ્ટને લાગુ પડતા તમામ ડેઈલી , મંથલી , વીકલી તમામ રીપોર્ટ તથા ઓન લાઈન કામગીરી જેવી કે ઈ – ઔષધી , ઈ – વીન એફ . પી . એલ . એમ . આઈ . એસ . બંધ કરી ઈ – વીન મોબાઈલ મેડીકલ ઓફિસરને જમા કરાવવા . ( F ) એલ . ટી . ની એલ . આઈ . એસ . કામગીરી તથા અન્ય ઓનલાઈન કામગીરી બંધ કરવી . ( G ) સ્ટાફ નર્સને લગતી રિપોર્ટીગ કામગીરી સંપૂર્ણ બંધ કરવી . ( H ) ડેટા ઓપરેટરને કોઈપણ લેખિત કે મૌખિક માહિતી આપવી નહિ . ( ૨ ) તા . ૯ / ૧૨ / ૨૦૧૯ના રોજ સામુહિક સી . એલ. મુકી જિલ્લા કક્ષાએ રેલી અને એક દિવસના ધરણા કરવા . ( ૩ ) તા . ૧૭ / ૧૨ / ૨૦૧૯ના રોજ આરોગ્ય કમિશ્નર કચેરી ડો . જીવરાજ મહેતા ભવન જૂના સચિવાલય ગાંધીનગર ખાતે સામુહિક રજુઆત અને સુત્રોચ્ચાર . ( ૪ ) જરૂરિયાત પડયે અન્ય જલદ આંદોલનનાં કાર્યક્રમો જાહેર કરવામાં આવશે .
About The Author
