માહ્યાવંશી વિકાસ મંચનો સ્નેહ મિલન કાર્યક્રમ વ્યારા ખાતે યોજાયો
(પ્રતિનિધિ દ્વારા, વ્યારા): તાપી જિલ્લા માહ્યાવંશી વિકાસ મંચના પ્રમુખ ધીરુભાઈ ભારતી એક અખબારી યાદીમાં જણાવે છે કે, માહયાવંશી વિકાસ મંચ જિલ્લા તાપીના નેજા હેઠળ વ્યારા સીનીયર સીટીઝન હોલ ખાતે શ્રી મનહરભાઇ પટેલના સાનિધ્યમા સ્નેહ મિલન કાર્યક્રમ સફળતા પૂર્વક યોજાયો હતો.
વ્યારા ખાતે ત્રિવેણી સંગમ જેવો સુંદર કાર્યક્રમ યોજાયો જયાં રંગોળી સ્પર્ધા, નિવૃત કર્મચારીનુ અભિવાદન તથા સમાજના તેજસ્વી તારલાનુ સન્માન કરવામાં આવ્યું હતું.
નવસારી જિલ્લાના પ્રમુખશ્રી પ્રો. જયંતકુમાર પટેલ મુખ્ય પ્રણેતા પ્રવકતા તરીકે ઉપસ્થિત રહયા, જ્યારે મંચના ટ્રષટી શ્રી એડ. અશોકભાઈ રાઠોડ, શ્રી અશોકભાઈ પરમાર , મહામંત્રી શ્રી નીતિનભાઈ વાઘેલા સહીત મંચના હોદ્દેદારો ઉપસ્થિત રહયા હતા.
તાપી જિલ્લા માહ્યાવંશી સમાજનાં દરેક આગેવાન વડીલો તથા નાના ભુલકાઓ સૌ સંગઠીત બની કાર્યક્રમને ભવ્ય અને અભૂતપૂર્વ સફલ બનાવ્યો હતો.
About The Author
