તાપી : વ્યારાની મીંઢોળા નદીમાંથી મૃત હાલતમાં નવજાત બાળક મળી આવ્યું
(પ્રતિનિધિ દ્વારા, વ્યારા) : આજ રોજ તા. ૨૪/૦૧/૨૦૨૧નાં સાંજના પાંચેક વાગ્યાના અરસામાં વ્યારાનાં પાનવાડી ગામે પાણીની ટાંકી પાસે મીંઢોળા નદીમાં એક નાનું નવજાત બાળક પાણીમાં ઉ૫૨ ત૨તુ હતુ જે મૃત હાલતમાં મળી આવ્યું હતું. આ વાત નગરમાં વાયુ વેગે ફરી વળતા લોક ટોળું જમા થઈ ગયું હતું. જે અંગેની જાણ પાનવાડીનાં સંગ્રામ ભરવાડે પોલીસને કરતા તરત જ વ્યારા પોલીસ સ્ટાફના માણસો સ્થળ ઉપર આવી જતા નવજાત બાળકને નદીમાંથી બહાર કાઢી વ્યારા જનરલ હોસ્પીટલનાં કોલ્ડ રૂમમાં મુકી આવ્યા હતાં.
કોઇ અજાણી સ્ત્રીએ ઓછા માસે નવજાત બાળકને જન્મ આપી તેનો જન્મ છુપાવવા માટે તેને મરણ ગયેલ કે જીવિત હાલતમાં વ્યારા મીઢોળા નદીમાં ત્યજી દઇ નાશી ગયેલ હોઇ વ્યારા પોલીસે નવજાત શિશુને ત્યજી જનાર અજાણી સ્ત્રી વિરૂધમાં ગુનો નોંધી કાયદેસર તપાસ હાથ ધરી છે.
જે ગુનાની વધુ તપાસ વ્યારા પોલીસ મથકનાં પી.એસ.આઈ. એસ.સી. પરમાર કરી રહ્યા છે.
About The Author
