વ્યારા કોલેજની સામે નવા બસ સ્ટેન્ડનું કામ જલ્દી પૂર્ણ કરવા ABVPની ચીફ ઓફિસરને રજૂઆત
(પ્રતિનિધિ દ્વારા, વ્યારા) : અખિલ ભારતીય વિદ્યાર્થી પરિષદ તાપી જીલ્લા દ્વારા તારીખ 27/02/2020 ના રોજ આવેદન પત્ર આપવામાં આવ્યું હતું કે આર્ટસ એન્ડ કોમર્સ કોલેજ વ્યારા ની સામે આવેલ બસસ્ટેન્ડ જર્જરીત હાલતમાં હોય અને તેથી વિદ્યાર્થીઓને ચોમાસાની સીઝનમાં બેસવા માટે ઘણી તકલીફ પડે છે. તેથી જર્જરિત બસ સ્ટેન્ડને તોડી નાખી નવું બસ સ્ટેન્ડ બનાવી આપવા માટે નગર પાલિકા વ્યારાના ચીફ ઑફિસર સાહેબશ્રી અને નગર પાલિકા પ્રમુખશ્રી પાસે માંગ કરવામાં આવી હતી.
જે અનુસંધાને આજરોજ અખિલ ભારતીય વિદ્યાર્થી પરિષદ તાપી જીલ્લા દ્વારા નગર પાલિકા વ્યારાના ચીફ ઑફિસરને ફરી એકવાર રજૂઆત કરાઈ છે. જેમાં જણાવાયું છે કે, હાલ જર્જરીત સ્ટેન્ડ તોડી નાખવામાં આવ્યું છે અને વિદ્યાર્થીઓની કૉલેજ પણ શરૂ થઈ ગઈ હોવાથી વિધાર્થીઓને બેસવાની ઘણી તકલીફો પડી રહેલ હોય તેથી નવા બસ સ્ટેન્ડનું કામ જલ્દી પૂર્ણ કરવામાં આવે.
About The Author
