સોનગઢ તાલુકાના દસ ગામોને મોબાઈલ નેટવર્ક સુવિધા પુરી પડાઈ
પ્રતિકાત્મક તસ્વીર
Contact News Publisher
(માહિતી બ્યુરો દ્વારા, વ્યારા) : તાપી જિલ્લામાં સોનગઢ તાલુકાના અંતરિયાળ વિસ્તારમાં આવેલા સાત કાશી,અમલપાડા, માંડવીપાની, ખોરા, પાડી, બોરદા, ખડકીમાઉ અને પીપળાપાની તથા તેની આજુબાજુના ગામોમાં ઈન્ટરનેટ મોબાઈલ નેટવર્ક પકડાતુ ન હોવાનું જિલ્લા કલેક્ટરશ્રીના ધ્યાનમાં આવતા કલેક્ટરશ્રી આર.જે. હાલાણી દ્વારા આ બાબતને અગ્રતા આપીને આ તમામ ગામોને તાત્કાલિક ઈન્ટરનેટ જોડાણ આપવાની કાર્યવાહી કરવામાં આવી હતી. પરિણામે આ વિસ્તારોમાં બારડોલી સેન્ટર જિયો ટિમ દ્વારા તાત્કાલિક બોરદા, સાતકાશી અને અમલપાડા ખાતે જિયોના ત્રણ નવા ટાવર ઉભા કરી દેવામાં આવ્યા છે. આ ટાવરો ઉભા થવાથી આજુબાજુના ૧૦ ગામોને નેટવર્ક સાથે જોડીને આશરે દસ હજારથી વધુ લોકોને નેટવર્કની સુવિધા પુરી પાડવામાં આવતા લોકોમાં આનંદની લાગણી વ્યાપી ગઈ છે.
…….
About The Author