માંગરોળ તાલુકામાં વહેલી સવારથીજ કમોસમી વરસાદ:ખેતીનાં અનેક પાકોને વ્યાપક નુકશાન
Contact News Publisher
(નઝીર પાંડોર દ્વારા, માંગરોળ): માંગરોળ તાલુકાનાં અનેક વિસ્તારોમાં વહેલી સવારથી જ કમોસમી વરસાદ પડતાં ખેતરમાં ઉભેલા અનેક પાકોને નુકશાન થતાં ખેડૂતોની સ્થિતિ દયનીય બની છે. છેલ્લા દશ કલાકથી સતત વરસાદ પડી રહ્યો છે. જેને પગલે માંગરોળ તાલુકાનાં ખેડૂતોએ પોતાનાં ખેતરમાં કરેલાં પાકોને વ્યાપક નુકશાન જવાની ભીતિ ઉભી થવા પામી છે. પાકોમાં જુવાર, તુવેર, કપાસ અને સૂકા ઘાસનો સમાવેશ થાય છે. સતત વરસાદ પડતાં ખેડૂતો પોતાનાં પશુઓ માટે ચોમાસાની મૌસમ માટે સૂકા ઘાસનો સ્ટોક કરે છે. પરંતુ આજે પડેલા વરસાદથી ઘાસ વરસાદી પાણીને પગલે પલાઈ જવા પામ્યું છે.
About The Author