વાંકલ ખાતે દિવાળી પર્વ નિમિત્તે બજારમાં ભારે ભીડ જોવા મળી
Contact News Publisher
(નલિન ચૌધરી દ્વારા, ભડકુવા-માંગરોળ) : સુરત જિલ્લાનાં માંગરોળ તાલુકાનાં વાંકલ ખાતે સવારથી જ ખરીદી અર્થે લોકોની ભારે ભીડ ઉમટી પડી હતી.દિવાળીનાં તહેવારને હવે ગણતરીનાં જ દિવસો બાકી છે ત્યારે દર શુક્રવારે વાંકલ ખાતે હાટબજાર ભરાતો હોય છે.નાંદોલા,ધોળીકુઇ,આમખુટા,વેરાકુઇ તેમજ આજુબાજુનાં ગામનાં લોકો ખરીદી અર્થે અહીં આવતાં હોય છે.ત્યારે સવારથી જ લોકો મીઠાઇ,ફટાકડા,રંગોળી માટેના રંગ,શાકભાજી,કપડાંની ખરીદી કરતાં જોવા મળ્યા હતાં.
આ વર્ષે કોરોનાનો કહેર હોવા છતાં દર વર્ષે કરતાં આ વર્ષે લોકોની ભીડ મોટાં પ્રમાણમાં જોવા મળી હતી.લોકોએ મોડી સાંજ સુધી ઉત્સાહભેર ખરીદી કરી હતી.જો કે માણસોની ભીડ વધુ હોવાને કારણે બજારમાં ટ્રાફિકજામના પણ દ્રશ્યો સર્જાયા હતાં.
About The Author