માંડળ ટોલનાકા ઉપરથી તાપી એલ.સી.બી.એ ફોર વ્હીલમાં ચોરખાનું બનાવી સંતાડીને લઈ જવાતો વિદેશી દારૂ ઝડપી પાડયો
(પ્રતિનિધિ દ્વારા, વ્યારા ) : તાપી જિલ્લા એલ.સી.બી.એ સોનગઢનાં માંડળ ટોલનાકા પાસેથી ફોર વ્હીલમાં ચોરખાનામાં સંતાડીને લઈ જવાતો વિદેશી દારૂનો જથ્થો ઝડપી પાડ્યો છે . દારૂની હેરફેર કરનાર બે ઈસમોને ઝડપી પાડ્યા હતાં જયારે દારૂ ભરાવી આપનારને વોન્ટેડ જાહેર કરવામાં આવ્યો છે.
આજે તા . ૬ નવેમ્બરનાં રોજ સવારે નવ વાગ્યાના સમય દરમ્યાન તાપી જિલ્લા એલ.સી.બી.ની ટીમનાં માણસોએ નવાપુરથી સુરત તફર જતા હાઈવે રોડ ઉપર માંડળ ટોલનાકા પાસેથી વોકસ વેગન વેન્ટો કાર નં . જીજે – ૦૪ – બી.ઈ. – ૭૬૦૦ ને ઉભી રાખી તપાસ કરતાં તેમાં ચોરખાનું બનાવી વગર પાસ પરમીટે ભારતીય બનાવટના વિદેશી દારૂ ડી.એસ.પી. બ્લેક ડીલક્ષ વ્હીસ્કીની ૩૨૯ નંગ બાટલી જેની કિંમત અંદાજે ૧૬,૪૫૦/ – સાથે કાર સવાર મયંકભાઈ કેસુભાઈ રૂપાવટીયા હાલ રહે. ૫૦૧ , પ્રમુખ એવન્યુ, ડી– વિભાગ સાયણ રોડ અમરોલી સુરત. મૂળ રહે. સુનાળા ગામ ખોડીયાર માતાના મંદિરની બાજુમાં તા. કુકાવાવ જી. અમરેલી. તેમજ કાર્તીકભાઈ કાંતીભાઈ ધાનાણી હાલ રહે, ૩૯૦, ગઢપુર ટાઉનશીપ કઠોદરા સુરત મૂળ રહે, માંડવા તા. ગઢડા જી . બોટાદ ને ઝડપી લીધા હતાં.
એલ.સી.બી. ટીમે બે લાખ ઓગણીસ હજાર ચારસો પચાસ રૂપિયાનો કુલ મુદ્દામાલ જપ્ત કર્યો છે. તેમજ પ્રોહી મુદ્દામાલ પુરો પાડનાર નવાપુરથી આશરે પાંચેક કી.મી. આગળ આવેલ સુરજીત હોટલના મેનેજરને વોન્ટેડ જાહેર કરવામાં આવ્યો છે. જે અંગે તાપી એલ.સી.બી.માં ફરજ બજાવતાં અ.હે.કો. જયેશભાઈ લીલકીયાભાઈની ફરિયાદના આધારે સોનગઢ પોલીસ મથકે ગુનો દાખલ કરાયો છે .
About The Author
