નાયબ પોલીસ અધિક્ષક, વ્યારા વિભાગની ટીમે સોનગઢનાં જેસીંગપુરા ટેકરા પાસેથી વિદેશી દારુ સાથે એકને ઝડપી લીધો : બે ભાગી છૂટ્યા : કુલ ચાર વોન્ટેડ
(પ્રતિનિધિ દ્વારા, વ્યારા) : તાપી જીલ્લાનાં સોનગઢ તાલુકાનાં જેસીંગપુરા ટેકરા પાસેથી નાયબ પોલીસ અધિક્ષક, વ્યારા વિભાગની ટીમ દ્વારા બાઇક ઉપર વિદેશી દારૂની હેરફેર કરનાર એકને ઝડપી લીધો હતો જ્યારે બે ઈસમો ભાગી છૂટ્યા હતાં. ભાગી ગયેલ બે ઈસમો તેમજ દારુનો જથ્થો આપી જનાર બે ઈસમો સહિત કુલ ચારને વોન્ટેડ જાહેર કરવામાં આવ્યા છે.
સોનગઢ પોલીસ મથકેથી પ્રાપ્ત થતી માહિતી મુજબ, આજે તા. 4થી નવેમ્બરે બપોરે 3 વાગ્યાનાં અરસા દરમ્યાન તાપી જીલ્લાના સોનગઢ તાલુકાનાં જેસીંગપુરા ટેકરા પાસેથી નીતેશભાઇ રાજુભાઇ ધનગર ઉ.વ. 20, રહે.સોનગઢ શીવાજીનગર તા સોનગઢ જી. તાપી અને યશભાઇ ભરતભાઇ ચૌધરી રહે. સોનગઢ શીવાજીનગર તા. સોનગઢ જી તાપી તેમજ મેહુલભાઇ ગામીત રહે. ખેરવણ તા. સોનગઢ જી તાપી (જેના બાપના નામની ખબર નથી) ત્રણેય ઇસમો પોતાની મોટર સાયકલ એકસેસ ૧૨૫ ગાડી નં.- GJ- 26- AA – 6970 ઉપર એક મીણયા કોથળામાં ભારતીય બનાવટની ઈંગ્લીશ દારૂ અલગ અલગ કંપની ની બીયર ટીન ૫૦૦ મી.લી. ની ટીન નંગ- ૪૫ , લીટર ૨૨,૫૦૦, કિં.રૂ.૪૫૦૦ / – નો પ્રોહી મુદ્દામાલ રાખી મોટર સાયકલ પર હેરાફેરી કરી લઇ જતા હતાં ત્યારે નાયબ પોલીસ અધિક્ષક, વ્યારા વિભાગની પોલીસ ટીમનાં માણસો ને જોઈ મોટર સાયકલ સવાર યશભાઇ ભરતભાઇ ચૌધરી તથા મેહુલભાઇ ગામીત ભાગી છૂટ્યાં હતાં જ્યારે નીતેશભાઇ રાજુભાઇ ધનગર દારૂની બીયર ની ટીન નંગ- 45 કિં.રૂ.4500/- તથા મો.સા. – ૦૧ , કિ.રૂ.20,000/- તથા મોબાઇલ નંગ -1 , કિ.રૂ. 500/- મળી કુલ રૂ. 25,000/- ના મુદ્દામાલ સાથે પકડાઇ ગયો હતો.
ભાગી છૂટનાર બંને ઈસમો તેમજ ઉપરોકત પ્રોહી. મુદ્દામાલ આપી જનાર સીકંદર ઉર્ફે સુકનજી શાંતુભાઇ ગામીત રહે.સોનગઢ શીવાજીનગર તા. સોનગઢ જી તાપી અને નેપાલી ઉર્ફે ઓમનાથ સુરભાન શહાની રહે.સોનગઢ શીવાજીનગર તા. સોનગઢ જી. તાપી મળી કુલ ચાર શખ્સોને વોન્ટેડ જાહેર કરવામાં આવ્યા છે.
About The Author
