તાપી LCBએ સોનગઢ આર.ટી.ઓ. ચેકપોસ્ટ ઉપરથી 47 લાખ 58 હજારનો દારુ ઝડપી પાડ્યો : એક ઝબ્બે, એક વોન્ટેડ
(પ્રતિનિધિ દ્વારા, વ્યારા) : તાપી જીલ્લા LCBએ ગતરોજ તા. 12મીનાં રાત્રે 9:45 કલાકે સોનગઢનાં આર.ટી.ઓ. ચેકપોસ્ટ ઉપરથી 47 લાખ 58 હજારની કિંમતનો દારુ ભરેલ ટ્રક સાથે એકને ઝડપી લીધો હતો જ્યારે દારુ ભરાવી આપનારને વોન્ટેડ જાહેર કરાયો છે.
સોનગઢ પોલીસ મથકેથી પ્રાપ્ત થતી માહિતી મુજબ, તાપી જીલ્લા LCBએ ગતરોજ તા. 12મીનાં રાત્રે 9:45 કલાકે સોનગઢ નવા આર.ટી.ઓ. ચેકપોસ્ટના નવાપુર તરફથી સોનગઢ તરફની ટ્રેકમાં પ્રવેશ કરતા આશરે ૧૦૦ મીટરના અંતરે જાહેરમાં રોડ ઉપરથી અરૂણકુમાર શિવચરણ ગૌતમ રહે. પોસ્ટ બરૌંસા થાના /તા.જયસિંગપુર જી.સુલતાનપુર ઉત્તરપ્રદેશનાં કબ્જાની ટ્રક નં. GJ 08 U – 3109માં કંતાનના કોથળાઓની બોરીઓમાં સુકા અને બિન ઉપયોગી ફક્ત બાળવા લાયક નાળિયેર ભરેલ બોરીઓ કુલ ૭૮ કિ.રૂ. ૩૯૦૦ – ની આડમાં ભારતીય બનાવટનો વિદેશી દારૂ ( ૧ ) મેકડોવેલ્સ નં.1 રિસર્વ વ્હિસ્કી ઓરિજીનલ પ્રિમિયમ ગ્રૈન વ્હિસ્કી 750 ml ( 2 ) ROYAL GENERAL DELUXE WHISKY 750 ml ( 3 ) Mc Dowell’s no.1 superior whisky original 750 ml ના બોક્ષ નંગ ૭૯૩ ફુલ બોટલ નંગ- ૯૫૧૬ જેની કિ.રૂ. ૪૭,૫૮,૦૦૦/- નો મુદ્દામાલ ઝડપી પાડ્યો હતો. આ મુદ્દામાલ આરોપી વિનોદભાઈ યાદવ (જેના બાપનાં નામ તથા સરનામાની ખબર નથી)એ ટ્રકમાં દારૂ ભરી લઈ આવી આડગાઁવ જી.નાસીક પાસે ઇન્ડસ્ટ્રીઅલ એરીયા ખાતે આવેલ આંબેડકર પાર્કીગ એરિયા ખાતેથી આપેલ હોય તેને વોન્ટેડ જાહેર કરાયો છે. આ મુદ્દામાલ રાજપીપળા ખાતે લઈ જવાતો હતો. તાપી એલ.સી.બી.એ પ્રોહી. મુદ્દામાલ તેમજ ટ્રકની કિંમત રૂ. 10 લાખ, મોબાઈલ નંગ- ૦૧ કિ.રૂ. ૫૦૦૦/- તથા રોકડા રૂ .૬૦૦૦/- મળી કુલ કિ.રૂ .૫૭,૭૨,૯૦૦ / -નો મુદ્દામાલ જપ્ત કર્યો છે.
જે અંગે તાપી જીલ્લા LCBમાં ફરજ બજાવતા ASI ભુપેન્દ્રભાઈ યશવંતરાવની ફરિયાદનાં આધારે સોનગઢ પોલીસે ગુનો નોંધી આગળની કાર્યવાહી હાથ ધરી છે.
About The Author
