ઉચ્છલ પોલીસે આમોદા ગામે ચાલતાં જુગારનાં અડ્ડા ઉપર રેડ કરી એકને ઝડપી લીધો
ફાઈલ ફોટો
(પ્રતિનિધિ દ્વારા, વ્યારા) : તાપી જીલ્લા નાં ઉચ્છલ તાલુકાના આમોદા ગામે ચાલતાં જુગારનાં અડ્ડા ઉપર પોલીસે રેડ કરી ઍક ઇસમને ઝડપી લીધો હતો.
ઉચ્છલ પોલીસ મથકેથી પ્રાપ્ત થતી માહિતી મુજબ તાપી જીલ્લાના ઉચ્છલ તાલુકાનાં આમોદા ગામે આજે તા. 8મીના રોજ 12 વાગ્યાનાં સુમારે ઉચ્છલ પોલીસે આમોદા ગામે રામુભાઇ સુરજીભાઈ વળવી ઉ.વ .૫૮ રહે , આમોદ ગામ તા.ઉચ્છલ જિ. તાપીના ઘરનાં આંગણામાં આવેલ આંબલીના ઝાડ નીચે ચાલતાં જુગારનાં અડ્ડા ઉપર રેડ કરી પોતાના આર્થીક લાભ માટે મુંબઇથી નિકળતા વરલી મટકાના ટાઇમ બજારના આંકડા ઉપર ગેરકાયદેસર રીતે બહારથી ગ્રાહકો બોલાવી પૈસા વતી હાર જીતનો જુગાર રામાડતાં રામુભાઇ સુરજીભાઈ વળવીને ઝડપી પાડ્યો હતો. તથા જુગારના સાહીત્યની કિ.રૂ .૨૦૦૦ તથા પકડાયેલ તહોની અંગ ઝડતી દરમ્યાન રોકડા રૂપીયા ૫૬૦ / નો મુદ્દામાલ કબ્જે કર્યો હતો. જે અંગે ઉચ્છલ પોલીસે ગુનો નોંધી આગળની કાર્યવાહી હાથ ધરી છે.
About The Author
