તાપી : સાકરદા ઓવરબ્રીજ નીચેથી બસમાં હેરાફેરી કરાતો વિદેશી દારુ ઉચ્છલ પોલીસે ઝડપ્યો : બે ઝડપાયા એક વોન્ટેડ
ફાઈલ ફોટો
(પ્રતિનિધિ દ્વારા, વ્યારા) : તાપી જીલ્લાનાં ઉચ્છલ તાલુકાનાં સાકરદા ખાતે આવેલ ઓવરબ્રીજ નીચેથી ગુજરાત એસ.ટી. બસમાંથી બેગમાં છુપાવીને લઈ જવાતો વિદેશીનાં જથ્થા સાથે બે ઈસમોને ઉચ્છલ પોલીસે ઝડપી લીધા હતાં. જ્યારે વિદેશી દારુ ભરાવી આપનાર મહારાષ્ટ્રનાં ઇસમને વોન્ટેડ જાહેર કરવામાં આવ્યો છે.
ઉચ્છલ પોલીસ મથકેથી પ્રાપ્ત થતી માહિતી મુજબ, આજે તા. 7મીનાં રોજ સવારે અંદાજે સાડા સાત વાગ્યાનાં અરસામાં ઉચ્છલના સાકરદા ગામની સીમમાંથી પસાર થતા ને.હા. ન. ૫૩ ઉપર સાકરદા ઓવરબ્રીજ નીચેથી ગુજરાત એસ.ટી બસ નં. GJ 18 Z 5225 નિઝર થી ખેરાલુ જતી બસમાં સવાર ( ૧ ) રાહુલભાઇ ભીખાભાઇ વાનખેડે ઉં.વ. ૨૫ રહે.નંદુરબાર ચિચપાડા બિલાટી માછવાડા તા.જી.નંદુરબાર અને ( ૨ ) હેમંતભાઇ શંકરભાઇ ચૌધરી ઉ.વ. ૨૨ રહે.નંદુરબાર પરદેશી પુરા સાંઇ બાબા મંદિરની પાસે તા જી.નંદુરબાર બંનેએ પોતાના કબજાના બે બેગોમાં ભારતીય બનાવટનો વિદેશી દારૂ કોસબર્ગ ટીન ૫૦૦ ML વાળી ટીન નંગ -૨૪ કિ.રૂ. ૨૪00 / – તથા ( ૨ ) ડી.એસ.પી. બ્લેક ડીલક્ષ વ્હીસ્કી ૭૫0 ML વાળી બોટલો નંગ -૬ કિ.રૂ.૩૦૦૦ / – તથા ( ૩ ) વેટ ૬૯ બ્લેન્ડેડ સ્કોચ વ્હીસ્કી ૭૫૦ ML વાળી બોટલ નંગ -૧ કિ.રૂ. ૨૩૦૦ / – તથા ( ૪ ) દેશીદારૂ બિલ્લુ શકુ સંત્રા ૧૮૦ ML વાળી બોટલો નંગ- ૮ કિ.રૂ. ૪00 / – મળી કુલ્લે બાટલો નંગ ૩૯ ની કુલ્લે કિ.રૂ. ૮,૧૦૦ / – નો પ્રોહી મુદામાલ વગર પાસ પરમીટે હેરાફેરી કરતાં ઉચ્છલ પોલીસે ઝડપી પાડયા હતા. તેમજ ઉપરોકત પ્રોહી મુદામાલ ચીકુભાઇ સીંધી રહે.નંદુરબાર સીધી કોલોની બાબા ગરીબદાસ યોક તા.જી.નંદુરબાર નાએ ભરાવી આપતાં તેને વોન્ટેડ જાહેર કરવામાં આવ્યો છે.
જે અંગે ઉચ્છલ પોલીસ સ્ટેશનમાં ફરજ બજાવતા અ.પો.કો. પંકજભાઇ અર્જુનભાઈની ફરિયાદ આધારે ઉચ્છલ પોલીસે ગુનો નોંધી આગળની કાર્યવાહી હાથ ધરી છે.
About The Author
