તાપી LCBએ ચચરબુદા ગામની સીમમાંથી રૂ. 1,23,000/-નાં વિદેશી દારુ ભરેલ સ્વિફ્ટ ડીઝાયર ઝડપી : પોલીસને જોઈ ગાડીમાં સવાર ત્રણ ઈસમો ફરાર

(પ્રતિનિધિ દ્વારા, વ્યારા) : તાપી જીલ્લા LCBએ ચચરબુદા ગામની સીમમાં લક્કડકોટ ગામ તરફ જતા ત્રણ રસ્તા પાસેથી સ્વિફ્ટ ડીઝાયર ગાડીમાં લઈ જવાતો એક લાખ ત્રેવીસ હજારનો વિદેશી દારુ ઝડપી પાડ્યો હતો જ્યારે ગાડીમાં સવાર ત્રણ અજાણ્યા ઈસમો ગાડી છોડીને ભાગી છુટયા હતાં.

તાપી જીલ્લાનાં ઉચ્છલ તાલુકાનાં ચચરબુદા ગામની સીમમાં તાલુકાનાં લક્કડકોટ ગામ તરફ જતા ત્રણ રસ્તા પાસેથી ગઈકાલે રાત્રે 11:15 કલાકે LCB તાપીએ મારૂતી કંપનીની એક સફેદ કલરની સ્વિફ્ટ ડીઝાયર ગાડી નં. GJ – 19 AF – 7182 ઝડપી પાડી હતી. જે ગાડીમાં સવાર ત્રણ અજાણ્યા ઈસમો પોલીસને જોઈ ગાડી મૂકીને નાસી છૂટ્યા હતાં. ગાડીમાં તપાસ કરતાં તેમાથી વગર પાસ પરમીટે વિદેશી દારૂની નાની મોટી બોટલો નંગ -૧૬૧૪ કુલ ૪૧૫.૧૪ લીટર કી.રૂ. ૧,૨૩,000 / – તથા સ્વિફ્ટ ડીઝાયર નં. GJ – 19 AF – 7182 કી.રૂ. ૪,00,000 મળી કુલ કી. રૂ. ૫,૨૩,૦૦૦ /- નો મુદ્દામાલ મળી આવ્યો હતો. જે અંગે ઉચ્છલ પોલીસ મથકે ગુનાની નોંધ કરવામાં આવી છે. આ ગુનાની વધુ તપાસ lcbનાં અ.હે.કો. લેબજીભાઇ પરબતજીભાઈ કરી રહ્યા છે.

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts