સેવા સપ્તાહની ઉજવણીના ભાગરૂપે આહવા નગરના સફાઈ કર્મીઓનું પગ ધોઈ પુષ્પગુચ્છ, શ્રીફળ આપી સંન્માન
(અર્જુન જાધવ દ્વારા, વઘઈ) : રાષ્ટ્ર સેવા અને ગરીબ કલ્યાણ પ્રતિ સમર્પિત દેશના લોકપ્રિય નેતા નરેન્દ્રભાઇ મોદીના 70માં વર્ષગાંઠ પ્રસંગે સેવા સપ્તાહની ઉજવણીના ભાગરૂપે આહવા નગરને સ્વચ્છ રાખવા મહત્વની ભૂમિકા અદા કરનાર સફાઈ કર્મીઓનું સંગઠન પ્રભારી અશોકભાઈ ધોરજીયા સહિત ભાજપી કાર્યકરોએ સફાઈ કર્મીઓનું પગ ધોઈ પુષ્પગુચ, શ્રીફળ આપી સંન્માન કરતા હૃદયદ્રાવક પ્રસંગો ઉભા થવા પામ્યા હતા.
પ્રધાનમંત્રી શ્રી નરેન્દ્રભાઇ મોદીની 70મી જન્મદિવસ નિમિતે દેશભરમાં ભાજપ દ્વારા તા 14.થી 20 સપ્ટેમ્બર સુધી વિવિધ સેવાકીય અને જન જાગૃતિના કાર્યક્રમો યોજી સેવાનો એક અદભુત મહાયજ્ઞ થઈ રહ્યો છે. જેમાં ભાજપા સંગઠન ના હોદ્દેદારો, રાજ્ય સરકાર ના મંત્રીઓ, વિવિધ ચૂંટાયેલા સભ્યો,સેંકડો કાર્યકર્તાઓ ભાગ લઈ ને જરૂરિયાતમંદો ને વિવિધ સહાય કરી રહ્યા છે.
આ સેવા સપ્તાહ અંતર્ગત રવિવારે ડાંગ જિલ્લાના મુખ્ય મથક આહવા નગરને સ્વચ્છ રાખવા મહત્વનો ફાળો આપતા સફાઈ કર્મીઓનું યુવા મોરચા દ્વારા સંગઠન પ્રભારી અશોકભાઈ ધોરજીયા ના અધ્યક્ષ સ્થાને પાર્ટી પ્રમુખ બાબુરાવભાઈ ચૌર્યા,માજી ધારાસભ્ય વિજયભાઇ પટેલ, મહામંત્રી રમેશભાઈ ગાંગુર્ડે, સંજયભાઈ પાટીલ, ગીરીશભાઇ મોદી, હીરાભાઈ રાઉત, સહિત કાર્યકરો દ્વારા સફાઈ કર્મચારીઓના પગ ધોઈ પુષ્પગુંછ આપી પૂજન કરવામાં આવ્યું હતું. ડાંગ ભાજપ દ્વારા ગરીબ સફાઈ કર્મીઓની પૂજન અર્ચન કરી સન્માન કરવામાં આવતા હૃદયદ્રાવક દ્રશ્યો ઉભા થવા પામ્યા હતા, આ પ્રસંગે સફાઈ કર્મીઓએ વડાપ્રધાન નરેન્દ્રભાઇ મોદી ના 70માં જન્મદિનની અનેકાનેક શુભકામનાઓ પાઠવી દીર્ઘાયુ માટેની કામના વ્યક્ત કરી હતી.
About The Author
