વ્યારાના મદાવથી વિદેશી દારૂ ભરેલ કાર સાથે બે ઝડપાયા
(પ્રતિનિધિ દ્વારા, વ્યારા) : તાપી જિલ્લાના વ્યારા તાલુકાના મદાવ ગામની સીમમાંથી વ્યારા પોલીસે વિદેશી દારૂ ભરેલ કાર સાથે બે શખ્સોને ઝડપી પાડી 4.96 લાખનો મુદ્દામાલ કબ્જે કર્યો હતો.
મળતી માહિતી અનુસાર તાપી જિલ્લાના વ્યારા પોલીસ સ્ટાફના માણસો પેટ્રોલીંગમાં હતા તે દરમ્યાન તેઓને બાતમી મળી હતી કે વ્યારા-સરૈયા માર્ગ ઉપરથી વિદેશી દારૂ ભરેલ એક કાર પસાર થનાર છે. જે હકીકતના આધારે પોલીસ સ્ટાફના માણસોએ વોચ ગોઠવી હતી તે દરમ્યાન બાતમી મુજબની કાર આવતા તેને અટકાવવાની કોશિશ કરતાં કાર ચાલક કાર લઈ ભાગવાની કોશિશ કરતાં પોલીસે તેનો પીછો કરી વિદેશી દારૂ ભરેલ કાર નંબર જીજે-11-એએસ-3906 ને મદાવ ગામની સીમમાં મરઘાં ફાર્મ નજીક અટકાવી કારમાં બેસેલ બે શખ્સ ગોપાળ રાજૂરામ ખીચડ (રહે, નેળીનાડી ગામ, ખિચડોકી-બાડમેર, રાજસ્થાન) તથા આકાશભાઈ રમણીકભાઈ પટેલ (તેજન્દ્રપાર્ક, વરાછા, સુરત) ને ઝડપી પાડી કારમાંથી વિદેશી દારૂની 303 નંગ બોટલ તેમજ કાર અને મોબાઈલ ફોન મળી કુલ 4.96 લાખનો મુદ્દામાલ કબ્જે કરી આગળની કાર્યવાહી હાથ ધરી છે.
About The Author
