તાપી LCBએ મોપેડમાં આગળની હેડલાઇટના ભાગે ચોરખાનામાં સંતાડીને લઈ જવાતો દારુ ઝડપી પાડ્યો
(પ્રતિનિધિ દ્વારા, વ્યારા) : તાપી એલસીબીએ સોનગઢના ચાપાવાડી થી રામપુરા જતા રસ્તા ઉપરથી હોંડા મોપેડ ડીઓની સીટની ડીકીમાં તથા ગાડીની આગળની હેડલાઇટના ઉપરના ભાગે ચોરખાના બનાવી તેમાં દારુ સંતાડીને ગેરકાયદેસર રીતે હેરફેર કરતી વખતે પોલીસને જોઈ ભાગી છુટેલા બે ઈસમો ને વોન્ટેડ જાહેર કર્યા, ચાર હજાર આંઠસોનો દારુ જપ્ત કર્યો હતો.
સોનગઢ પોલીસ મથકે નોંધાયેલા ગુના મુજબ તાપી જિલ્લા એલસીબીની ટીમ સોનગઢ વિસ્તારમાં પેટ્રોલિંગમાં હતી તે દરમિયાન એલસીબીમાં ફરજ બજાવતા અ.હે.કો. લેબજીભાઇ પરબતજીને મળેલ અંગત બાતમીના આધારે આજરોજ બપોરે એક વાગ્યાના અરસામાં સોનગઢ તાલુકાના ચાપાવાડી થી રામપુરા જતા રસ્તા ઉપર સ્કુલની સામે જાહેર રોડ ઉપર ટીમનાં માણસો અલગ અલગ જગ્યાએ બાતમી મુજબ વોચમાં હતા તે દરમ્યાન બાતમી વાળી હોન્ડા ડિઓ મોપેડ નંબર ન GJ – 19 – AP – 4417 નો ચાલક તથા તેની પાછળ બેસેલ ઇસમ પોલીસને જોઇને ગાડી મુકીને નાસી છૂટયા હતા.
મોપેડ ચાલક તથા પાછળ બેસેલ ઇસમે પોતાના કજાની હોંડા મોપેટ ડીઓની સીટની ડીકીમાં તથા ગાડીની આગળની હેડલાઇટના ઉપરના ભાગે ચોરખાના બનાવી દારુની ખેપ મારતાં હતાં. ગાડીમાં બનાવેલ ચોરખાનામાથી ભારતીય બનાવટનો દેશીદારૂ મહારાષ્ટ્ર બનાવટની કુલ્લે નંગ- ૯૬ બાટલીઓ કુલ્લે કિમત રૂપિયા ૪૮૦૦/- નો મુદ્દામાલ જપ્ત કરી ભાગી છુટેલ બંને આરોપીઓને વોન્ટેડ જાહેર કરી આગળની કાર્યવાહી હાથ ધરી છે.
About The Author
