દક્ષિણ ડાંગ વન વિભાગે માથે મૂકી ગેરકાયદેસર સાગી લાકડાની તસ્કરી કરતા 9 જેટલા ઈસમોને રંગે હાથ ઝડપી પાડ્યાં
Contact News Publisher
(અર્જુન જાધવ દ્વારા, વઘઈ) : ડાંગ જિલ્લાના પ્રવેશદ્વાર વઘઇ ખાતે લાકડાચોરો એ માથું ઉચકતા વન વિભાગ એલર્ટ થઈ કડક કાર્યવાહી હાથ ધરવામાં આવતા અસામાજિક તત્વોમાં ફફડાટ વ્યાપી જવા પામ્યો છે.
મળતી માહિતી મુજબ વઘઇ ખાતેના હનુમાન ફળિયા વિસ્તારમાં થી સાગી ઇમારતી લાકડાની તસ્કરીનો અંજામ આપવાના હોવાની ગુપ્ત બાતમી દક્ષિણ ડાંગ વન વિભાગના ડીએફઓ દિનેશ રબારીને મળતા વઘઇ રેન્જના આર.એફ.ઓ. સહિત સ્ટાફ ને સતર્ક કરી દેતા રાત્રી પેટ્રોલિંગ દરમિયાન હનુમાન ફળિયા વિસ્તારમાં 9 જેટલા ઈસમો માથે મૂકી ગેરકાયદેસર સાગી લાકડાની તસ્કરી કરતા વન વિભાગે રંગે હાથ ઝડપી પાડતા લાકડાં ચોરોમાં ફફડાટ ફેલાઈ જવા પામ્યો હતો. વઘઇ રેન્જ દ્વારા 9 ઈસમો ને 0.337 ઘન મિટર નુ 9 સાગી ચોરસા જેની બજાર કિંમત 15,000 નો મુદ્દામાલ કબજે કરી કાયદેસરની કાર્યવાહી હાથ ધરવામાં આવી હતી.
About The Author