બાઈકમાં ચોરખાનું બનાવી સંતાડેલો દારૂ પકડી પાડતી તાપી પોલીસ
( પ્રતિનિધિ દ્વારા, વ્યારા) : ડોલવણનાં બામણામાળ દૂર ગામેથી યુનિકોર્ન મોટર સાઈકલમાં ચોરખાનું બનાવી સંતાડેલો દારૂ અને આરોપીને બાતમીના આધારે જીલ્લા લોકલ ક્રાઈમ બ્રાંચે ઝડપી પાડ્યો હતો જયારે દારૂ ભરાવી આપનાર એકને વોન્ડેટ જાહેર કર્યો છે .
પોલીસ સૂત્રો પાસેથી પ્રાપ્ત થતી માહિતી મુજબ તાપી જીલ્લા લોકલ ક્રાઈમ બ્રાંચમાં ફરજ બજાવતા અ.હે.કો. લેબજીભાઈ પરબતજીભાઈને મળેલી બાતમીના આધારે ગત તા . ૨૦ મીનાં રોજ સાંજે ૬ વાગ્યાના અરસામાં ડોલવણ તાલુકાનાં બામણામાળ દૂર ગામે ગામીત ફળિયામાં રહેતા કનુભાઈ જગુભાઈ પટેલનાં ઘરે રેડ કરતાં ઘરનાં આંગણામાં એક કાળા કલરની યુનિકોર્ન મોટર સાઈકલ નં . જી.જે. ૦૫ – ડી.પી. ૬૩૮૭માં ચોરખાનું બનાવી તેમાં ભારતીય બનાવટનો દારૂ ટેંગો પંચ દારૂની ૧૮૦ મી.લી. વાળી ૬૩ શીલબંધ બોટલો સંતાડેલી હતી તથા કનુભાઈ જગુભાઈ પટેલનાં ઘરની પાછળ આવેલ પજારીના ભાગે મહારાષ્ટ્ર બનાવટની બિયરના ટીન મળી આવતા કુલ ૪૫૫૦ રૂપિયાનાં મુદ્દામાલ સાથે કનુભાઈને ઝડપી લેવાયા હતાં. પકડાયેલ દારૂનો જથ્થો ભરાવનાર અનિલભાઈ રહે. એસ.એમ. વાઈન શોપ નવાપુર જી . નંદુરબારને વોન્ટેડ જાહેર કરાયો છે. આ અંગે ડોલવણ પોલીસ મથકે ગુનાની નોંધ કરવામાં આવી છે.
About The Author
