માંગરોળનાં ઝંખવાવ ખાતે રાજીવ ગાંધી જન્મજયંતિની ઉજવણી કરવામાં આવી
(નલિન ચૌધરી દ્વારા, ભડકુવા-માંગરોળ) : સુરત જીલ્લાના માંગરોળ તાલુકાના કોંગ્રેસ પરિવાર તરફથી દેશના લોકલાડીલા નેતા તેમજ પૂર્વ વડાપ્રધાન સ્વ. શ્રી રાજીવ ગાંધીની 76મી જન્મ જયંતીની ઉજવણીનાં નિમિત્તે ઝંખવાવ સરકારી હોસ્પિટલમાં વૃક્ષારૉપણ કરવામાં આવ્યું હતું તેમજ દર્દીઓને અને હોસ્પિટલના સ્ટાફને પણ ફ્રૂટનુ વિતરણ કરવામાં આવ્યું હતું. માંગરોળ તાલુકાના તમામ કોંગ્રેસ પક્ષના હોદ્દેદારો તથા કાર્યકરો દ્વારા તારીખ 20 ઓગસ્ટના દિવસે GPCC તથા સુરત જિલ્લા કોંગ્રેસ પક્ષના પ્રમુખનાં આદેશ અનુસાર દેશના લોકલાડીલા નેતા સ્વર્ગસ્થ શ્રી રાજીવ ગાંધીની 76મી જન્મજયંતીની ઉજવણી કોંગ્રેસ પરિવાર તરફથી વૃક્ષારોપણ તેમજ દર્દીઓને તેમજ હોસ્પિટલ સ્ટાફને ફ્રુટ વિતરણ કરીને કરવામાં આવી. સૌ. રાજીવ ગાંધી દેશના વડાપ્રધાન તરીકે સેવા આપી આ દેશની સેવામાં પોતાનું બલિદાન આપી તેઓ શહીદ થયા હતાં તેમની સેવાકાળ દરમિયાન દેશની ઈન્ટરનેટ, સુવિધા ગરીબોને આવાસ યોજના, મનરેગા યોજના, બેરોજગારોને રોજગારી, યુવાનોને નોકરીની તકો, ગરીબોને મફત અનાજ આપવાની યોજના કોમ્પ્યુટર યુગની શરૂઆત કરનાર આ દેશના પ્રિય નેતાની જન્મદિવસની ઉજવણી આજે હર્ષોલ્લાસ સાથે ઝંખવાવ રેફરલ હોસ્પિટલ ખાતે ઉજવવામાં આવી હતી. તાલુકા કક્ષાએ પક્ષના આગેવાનો, હોદ્દેદારો, ફ્રન્ટલસેલ, તેમજ પદાધિકારીઓની સક્રીય સહભાગિતા સાથે ઝંખવાવ ગામે સરકારી હોસ્પિટલમાં દર્દીઓને ફ્રૂટ વિતરણ અને વૃક્ષારોપણના કાર્યક્રમને કોંગ્રેસના કાર્યકરોએ હાજર રહીને તેમની જન્મજયંતિ ઉજવી હતી.
About The Author
