માંગરોળ અને ઉમરપાડા તાલુકામાં જિલ્લા કોંગ્રેસ પ્રમુખના અધ્યક્ષસ્થાને સંયોજકોનો સંવાદ કાર્યક્રમ યોજાયો
સંગઠન અને પ્રજાના પ્રશ્નોને વાચા આપવાના મુદ્દા ઉપર ભાર મૂકવામાં આવ્યો
(નલિન ચૌધરી દ્વારા, ભડકુવા-માંગરોળ) : માંગરોળ તાલુકા કોંગ્રેસ સમિતિ અને ઉમરપાડા તાલુકા કોંગ્રેસ સમિતિ ના સંયોજકોનો સંવાદ કાર્યક્રમ સુરત જિલ્લા કોંગ્રેસ સમિતિના પ્રમુખ આનંદ ચૌધરીના અધ્યક્ષસ્થાને યોજાયો હતો
સુરત જિલ્લા કોંગ્રેસ સમિતિના કાર્યકારી પ્રમુખ આનંદભાઈ ચૌધરી તેમજ સુરત જિલ્લા કોંગ્રેસ સમિતિના પૂર્વ પ્રમુખ જગદીશભાઈ પટેલની ઉપસ્થિતિમાં માંગરોળ અને ઉમરપાડા તાલુકા મથક ખાતે સંયોજકો સાથેના સંવાદ ના અલગ અલગ બે કાર્યક્રમો યોજાયા હતા આ કાર્યક્રમમાં અગાઉ તાલુકા પંચાયત અને જિલ્લા પંચાયતની દરેક બેઠક ઉપરના સંયોજકો નક્કી કરવામાં આવ્યા હતા તેવા તમામ કોંગ્રેસ સંયોજકોને આગામી દિવસની કોંગ્રેસ સમિતિના કાર્યક્રમોની રણનીતિ અંગે માર્ગદર્શન આપવામાં આવ્યું હતું જેમાં પ્રજાના કનડતા પ્રશ્નોની વાચા આપી સરકારની ભૂલોની પ્રજા સામે ઉજાગર કરવી દરેક બેઠક ઉપર સંગઠન લક્ષી કામગીરી કરવી અને આગામી યોજાનાર તાલુકા જિલ્લા પંચાયતની ચૂંટણીમાં બુથ લેવલની કામગીરી અંગે વિસ્તૃત સમજ આગેવાનો દ્વારા આપવામાં આવી હતી આ કાર્યક્રમમાં ઉમરપાડા ખાતે નટવરસિંહ વસાવા, રામસિંગ વસાવા, હરીશભાઈ વસાવા વગેરે કાર્યકરો હાજર રહ્યા હતા જ્યારે માંગરોળ ખાતે તાલુકા કોંગ્રેસ પ્રમુખ શામજીભાઇ ચૌધરી, સહિત સમગ્ર તાલુકામાંથી કાર્યકરો આગેવાનો હાજર રહ્યા હતા.
About The Author
