૧૮૧-અભયમ દ્વારા યોજાયો “મહિલા બાળપોષણ જાગૃતિ દિવસ” આંતરરાષ્ટ્રીય દોડવીર કુ.સરિતા ગાયકવાડે આપ્યું માર્ગદર્શન
(અર્જુન જાધવ દ્વારા, વઘઈ) : આહવા; તા; ૧૦; રાજ્ય સમસ્તની જેમ ડાંગ જિલ્લામાં પણ ઉજવાઈ રહેલા “મહિલા સશક્તિકરણ પખવાડયા” અંતર્ગત ૧૮૧-અભયમ મહિલા હેલ્પલાઈન દ્વારા “મહિલા બાળપોષણ દિવસ”ની ઉજવણી કરવામાં આવી હતી.
“કોવિદ-૧૯”ની સાંપ્રત સ્થિતિ વચ્ચે ડીજીટલ ટેકનોલોજીના ઉપયોગથી “વેબીનાર”ના માધ્યમથી યોજાયેલા “મહિલા બાળપોષણ દિવસ” ઉજવણીના આ કાર્યક્રમમાં ડાંગ જિલ્લા સહિત સમગ્ર રાજ્ય અને દેશને ગૌરવ અપાવનાર આંતરરાષ્ટ્રીય દોડવીર કુ.સરિતા ગાયકવાડે વિશેષ ઉપસ્થિત રહી, ઉજવણી કાર્યક્રમનો ઉદ્દેશ્ય સ્પષ્ટ કર્યો હતો. જેનો લાભ રાજ્યના તમામ જીલ્લાની ૧૮૧-અભયમ ટીમ ના કર્મયોગીઓને મળ્યો હતું. “વેબીનાર”ના માધ્યમથી આયોજિત આ કાર્યક્રમમાં ડાંગ જિલ્લા ૧૮૧-અભયમ મહિલા હેલ્પલાઈન ટીમના કાઉન્સેલર દીપિકા ગામીત, અને ગ્રીસમા પટેલ સહિત પોલીસ અધિકારી શ્રી પી.એમ.જોડાલ, અને ૧૦૮ના ઈ.એમ.ઈ. શ્રી સંજય ભાઈ ઉપસ્થિત રહ્યા હતા.
About The Author
