માંગરોળ તાલુકાના ઓગણીસા ગામે બે બાઇકચાલકો વચ્ચે અકસ્માત
(નલિન ચૌધરી દ્વારા, ભડકુવા-માંગરોળ) : સુરત જિલ્લાના માંગરોળ તાલુકાના ઓગણીસા ગામના બસ સ્ટેન્ડ પાસે સાંજના સમયે બે બાઇક ચાલકો વચ્ચે અકસ્માત સર્જાતા ઇજા થઇ હતી. ઝવેર ભાઈ ધનાભાઈ અને મીનાક્ષીબેન નવીનભાઈ(રહે.ઓગણીસા ) જેઓ સાંજના સમયે એકટીવા (નં.GJ19 AJ 5740) લઈને વાંકલથી ઓગણીસા તરફ આવી રહ્યા હતાં ત્યારે ઓગણીસાના બસસ્ટેન્ડ નજીક સ્પ્લેન્ડર (નં.GJ19 BB 5525)નાં ચાલક રામુભાઇ જયંતિભાઇએ ઍક્ટિવા ચાલકને અડફેટમાં લેતાં પાછળ બેસેલા મિનાક્ષીબેન ફંગોળાઈને રોડ પર પટકાતાં માથાનાં ભાગે ઇજા પહોંચી હતી અને રામુભાઇને પણ ઇજા પહોંચી હતી. આ ઘટનાની જાણ ઓગણીસા ગામનાં સરપંચશ્રી સોમાભાઇને થતાં ઘટનાસ્થળે પહોંચી 108ને ફોન કરી બોલાવીને સારવાર અર્થે ખસેડવામાં આવ્યાં હતાં.
વધુમાં, ઓગણીસા ગામનાં સરપંચશ્રી સોમાભાઇએ જણાવ્યુ હતું કે અનેક વખત રજુઆત કરવા છતાં પણ અહીયાં સ્પીડબ્રેકર મૂકવામાં આવ્યા નથી જેથી વારંવાર આવી ધટનાઓ સર્જાતી રહે છે.
About The Author
