નાની નરોલી જી.આઇ.પી.સી.એલ. કંપનીની ટાઉનશિપમાં કોરોના વાયરસના બે પોઝિટિવ કેસ નોંધાયા : કંપનીના કામદારોમાં ગભરાટ
(નલિન ચૌધરી દ્વારા, ભડકુવા-માંગરોળ) : માંગરોળ તાલુકાના નાની નરોલી ગામે કાર્યરત જી આઈ પી સી એલ કંપનીની ટાઉનશીપમાં રહેતા એક કામદારની પત્ની અને તેના પુત્ર નો રિપોર્ટ કોરોના વાયરસ પોઝિટિવ આવતા કામદાર વર્ગમાં ગભરાટ ફેલાયો છે
માંગરોળ તાલુકા આરોગ્ય વિભાગ દ્વારા પ્રાપ્ત માહિતી મુજબ જી આઈ પી સી એલ કંપનીની ટાઉનશીપમાં રહેતા એક કામદાર પરિવાર સાથે સુરત અમરોલી સંબંધીને ત્યાં થોડા દિવસ રોકાયા હતા ત્યારબાદ તેઓ પરત નાની નરોલી ખાતે આવતા કામદાર ની પત્ની ઉંમર વર્ષ 46 અને પુત્ર ઉંમર વર્ષ 21 બીમાર થતા ફરી તેઓ સુરત એક ખાનગી હોસ્પિટલમાં સારવાર માટે ગયા હતા ત્યારે તેઓને ચેક કરતા કોરોના વાયરસના લક્ષણો દેખાતા તેમના સેમ્પલ લેવામાં આવ્યા હતા જેમાં તેઓનો રિપોર્ટ કોરોના વાયરસ પોઝિટિવ આવ્યો હતો. હાલ બંને દર્દીઓ ખાનગી હોસ્પિટલમાં સારવાર હેઠળ છે પોઝિટિવ દર્દી પત્ની પુત્રના સંપર્કમાં આવેલ કામદારના હાલ સેમ્પલ લેવામાં આવ્યા છે. માંગરોળ તાલુકા હેલ્થ ઓફિસર ડોક્ટર શાંતાકુમારીના જણાવ્યા મુજબ આરોગ્ય વિભાગ દ્વારા નાની નરોલી જી આઇ પી સી એલ ટાઉનશીપમાં પોઝિટિવ દર્દીનાં નિવાસ સ્થાનની આસ પાસના વિસ્તારને પ્રતિબંધિત જાહેર કરવામાં આવ્યો છે તેમજ હાલ ઉપરોક્ત ટાઉનશીપમાં સર્વેની કામગીરી આરોગ્ય વિભાગ દ્વારા કરવામાં આવી રહી છે.
About The Author
